Aprobado tecnicamente, por resolución do organismo autónomo Augas de Galicia con data do 23 de decembro de 1997, o proxecto actualizado da prolongación do acondicionamento do río Pontiñas desde a N-525 ó parque industrial, clave: OH.436.322 sométese o citado proxecto ó trámite de información pública durante un período de trinta días hábiles, a partir da publicación deste anuncio no Diario Oficial de Galicia, co fin de que aqueles que o consideren oportuno poidan formular por escrito as observacións que crean convenientes ante o organismo autónomo Augas de Galicia da Consellería de Política Territorial, Obras Públicas e Vivenda da Xunta de Galicia, situado nos edificios administrativos de San Caetano en Santiago de Compostela e ante a alcaldía de Lalín, así como na Comisión Provincial de Medio Ambiente de Pontevedra, lugares onde este proxecto de referencia estará a disposición.

O que se fai público para os efectos do previsto na Lei de expropiación forzosa e no Decreto 327/1991, do 4 de outubro, de avaliación de efectos ambientais para Galicia.

Santiago de Compostela, 26 de decembro de 1997.

Emilio García Gallego

Presidente do organismo autónomo Augas de Galicia

10549