En cumprimento do acordo do Pleno da Corporación do día 22 de agosto de 1997 no que se aprobou o texto íntegro das bases xerais e específicas da convocatoria pública para a provisión das prazas vacantes existentes no cadro de persoal e contidas na oferta de emprego público de 1997 e no exercicio das atribucións á alcaldía polo artigo 41.14º do ROF, dispoño a publicación da convocatoria pública de probas selectivas para a provisión das seguintes prazas vacantes:
Prazas de persoal funcionario de carreira:
-Unha de auxiliar-Rexistro e Xulgado de Paz, da escala da Administración xeral, subescala auxiliar, integrada no grupo D.
-Unha de auxiliar-Depositaría, da escala da Administración xeral, subescala auxiliar, integrada no grupo D.
-Unha de auxiliar-Policía, da escala da Administración especial, subescala servicios especiais, integrada no grupo E.
Prazas de persoal laboral de duración indefinida:
-Unha de asistente social.
As probas selectivas convocadas rexeranse polas bases xerais e específicas aprobadas polo Pleno da Corporación na sesión do día 22 de agosto de 1997, texto que se publicou no BOP nº 212, con data do 3 de novembro de 1997, computándose o prazo de 20 días naturais para a presentación de instancias a partir da publicación da convocatoria no BOP.
O que se fai público para xeral coñecemento e para os efectos legais pertinentes.
Crecente, 13 de novembro de 1997.
Julio C. García-Luengo Montero
Alcalde
10404