Convocado o concurso público nº 22/1997 para a contratación do servicio de recollida, transporte, tratamento e eliminación de residuos especiais do Complexo Hospitalario Cristal-Piñor, e á vista das actuacións practicadas de conformidade á lexislación vixente, esta dirección xerencia, en virtude das atribucións delegadas pola orde da Consellería de Sanidade e Servicios Sociais do 22 de maio de 1996 (DOG nº 111, do 6 de xuño),
RESOLVE:
Primeiro.-Adxudicarlle a contratación do servicio de recollida, transporte, tratamento e eliminación de residuos especiais do Complexo Hospitalario Cristal-Piñor, a:
BFI, Ingeniería Ambiental Completa, S.A.
NIF.: A.28180289
Segundo.-O importe do contrato será de vinte millóns duascentas cincuenta e dúas mil novecentas vintedúas pesetas (20.252.922 ptas.) IVE incluído, en cómputo anual.
Terceiro.-A vixencia do contrato fíxase desde a data do seu asinamento ata o 31 de decembro de 1997.
Cuarto.-Previa á formalización do contrato, a empresa adxudicataria deste servicio está obrigada a constituír unha fianza definitiva do 4% do importe de licitación, asi como ó resto das obrigas, na forma e contía sinaladas nos pregos de cláusulas administrativas particulares e prescricións técnicas que rexeron neste concurso.
Ourense, 18 de novembro de 1997.
Pedro A. Soler Bordoy
Director xerente do Complexo Hospitalario
Cristal-Piñor de Ourense
10273