Instalación: subestación transformadora de enerxía eléctrica 132/20 kV.
Situación: Polígono da Uceira, concello do carballiño (Ourense).
Beneficiario: Unión Eléctrica-Fenosa, S.A.
Vista a solicitude presentada na sección de enerxía desta delegación provincial pola empresa eléctrica de referencia, de autorización administrativa para o establecemento da instalación eléctrica citada, que conta coas seguintes:
Características técnicas básicas.
-Dous módulos de liña para 132 kV.
-Un módulo para protección da transformación de potencia.
-Un transformador trifásico para 15 MVA, relación de transformación de 132/20 kV.
-Un módulo de saída para cinco liñas a 20 kV e barras de 132 kV.
Cumpridos os trámites ordenados no Decreto 2617/1966, do 20 de outubro, de autorización de instalacións eléctricas, sen que exista ningunha alegación nin oposición a este proxecto.
De acordo coa regulamentación citada, coa Lei de industria, do 16 de xullo de 1992, e co Real decreto 2563/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de industria, enerxía e minas, resolvo:
Autorizar a Unión Eléctrica-Fenosa, S.A. a instalación da subestación de transformación citada.
Contra esta resolución, que non é definitiva en vía administrativa, poderase interpoñer recurso ordinario perante o conselleiro de Industria e Comercio da Xunta de Galicia, no prazo dun mes contado desde a súa publicación no DOG, de acordo co disposto no artigo 114 da Lei 30/1992, do 26 de novembro, de réxime xurídico das administracións públicas e do procedemento administrativo común.
Ourense, 12 de decembro de 1997.
Alfredo Cacharro Pardo
Delegado provincial de Ourense
9887