Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Unión Eléctrica-Fenosa, S.A.

Enderezo social: García Barbón, 38, 36201 Vigo.

Denominación: L.M.T., C.T. e R.B.T. Torre do Vilar-Santa Cristina de Vea.

Situación: A Estrada.

Descricións técnicas: L.M.T., aérea, a 20 kV, de 355 m de lonxitude, con conductor tipo LA-56, sobre apoio metálico, desde o apoio 3 da L.M.T. ó C.T. de Tarrío, rematando no C.T. que se proxecta en Torre do Vilar-Santa Cristina de Vea, concello da Estrada. C.T. de 50 kVA, relación de transformación 20 kV-380/220 V. R.B.T., aérea, de 28 m de lonxitude, con conductor tipo R.Z.

Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve,

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nas condicións establecidas polos ministerios, organismos ou corporacións que constan no expediente.

Pontevedra, 31 de outubro de 1997.

Ramón Álvarez Abad

Delegado provincial de Pontevedra

9279