Visto o expediente para outorgamento de autorización administrativa e aprobación do proxecto de
execución da instalación eléctrica que a continuación se cita.
Solicitante: Unión Eléctrica-Fenosa, S.A.
Enderezo social: García Barbón, 38, 36201 Vigo.
Denominación: L.M.T., C.T. e R.B.T. polígono industrial Ribadumia.
Situación: Ribadumia-Cambados.
Descricións técnicas: L.M.T., soterrada, a 20 kV, de 1.100 m de lonxitude, con conductor tipo R.H.V., desde a subestación de Cambados rematando no C.T. que se proxecta no polígono industrial de Ribadumia, concellos de Ribadumia e Cambados. C.T. de 1000 kVA, relación de transformación 20 kV-380/220 V. R.B.T., soterrada, de 60 m de lonxitude, con conductor tipo R.V.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve,
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nas condicións establecidas polos ministerios, organismos ou corporacións que constan no expediente.
Pontevedra, 31 de outubro de 1997.
Ramón Álvarez Abad
Delegado provincial de Pontevedra
9281