Acordo do Pleno do Concello da Guarda polo que anuncia o concurso para a adxudicación da xestión do servicio público de explotación da piscina climatizada municipal do concello da Guarda polo sistema de concurso, procedemento aberto e declarado urxente:
De conformidade co disposto no artigo 79 da LCAP, anúnciase o citado concurso conforme o seguinte contido:
Obxecto do concurso: concesión da xestión indirecta do servicio público piscina climatizada do concello da Guarda.
Duración do contrato: 5 anos.
Canon de licitación: o concesionario, e de conformidade co prego, terá que aboarlle ó concello a cantidade mínima anual de 1.000.000 de ptas., durante o tempo de duración do contrato.
Publicidade do prego de condicións: estará de manifesto nas dependencias da Secretaría Municipal durante o prazo de presentación das licitacións ó que se refire o concurso (teléfono dependencias municipais 61 01 76, fax 61 02 83).
Durante os 8 primeiros días hábiles ó seguinte ó da publicación deste edicto poderán presentarse reclamacións respecto ó citado prego suspendéndose, se é o caso, a licitación de conformidade co previsto na LCAP.
Garantía provisional: de conformidade co previsto na correspondente cláusula do prego 100.000 ptas.
Garantía definitiva: de conformidade co previsto no correspondente prego.
Presentación de proposicións: durante os 13 días naturais seguintes ó da publicación do presente edicto no BOP e no DOG; rematando o prazo o décimo terceiro día contado desde a publicación no último dos citados diarios oficiais.
Modelo de proposición: o recollido no correspondente prego.
A Guarda, 13 de novembro de 1997.
Purificación Álvarez Álvarez
Alcaldesa
9385