O Pleno da Corporación, en sesión ordinaria do 30-10-1997, adoptou o seguinte acordo:

Primeiro.-Prestar aprobación, con carácter definitivo, á proposta de modificación da unidade de

actuación número 2 do vixente Plan Xeral de Ordenación Urbana, aprobado por Orde da COTOP da Xunta de Galicia, do 18-12-1989, e sita entre as rúas Juan Bautista Andrade, Luis Otero e Avenida de Compostela, coa finalidade de regulariza-la delimitación entre o cuarteirón número 20 e a unidade de actuación número 2 e homoxeneiza-los fondos edificables do cuarteirón, tratándose os paramentos como fachadas, solicitada por Enrique Ramírez Piñeiro, actuando en nome e representación de Prycoga, S.L., aceptándose o desistimento formulado por Servando Colmeiro Lorenzo do contido da súa alegación deducida durante a información pública do expediente.

Segundo.-Publicar este acto administrativo no BOP e no Diario Oficial de Galicia, con notificación persoal ós interesados e remisión de testemuño do mesmo á delegación provincial da Consellería de Política Territorial, Obras Públicas e Vivenda da Xunta de Galicia.

O que se fai público para a súa executividade, subliñándose que contra este acordo, que esgota a vía administrativa, poderase interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses computados a partir do día seguinte a esta publicación, logo de comunicación ó órgano que dictou o acto impugnado, e isto sen prexuízo de que se poida exercer, se fose o caso, calquera outro recurso que se considere procedente.

Pontevedra, 3 de novembro de 1997.

Juan Luis Pedrosa Fernández

Alcalde

Julio Dapena Outomuro

Secretario xeral

8576