Aprobado polo Pleno da Corporación, en sesión celebrada o 10-11-1997, o prego de cláusulas administrativas particulares e de prescricións técnicas que deben rexe-lo concurso público convocado para a adxudicación dun contrato de consultoría e asistencia, exponse ó público durante o prazo de catro días, contados a partir do seguinte ó da publicación do presente anuncio no DOG para que se poidan presentar reclamacións; simultaneamente anúnciase concurso público por procedemento aberto e tramitación urxente, se ben a licitación se aplazará no suposto de que se formulen reclamacións contra o prego.
Obxecto: a elaboración dun Plan Xeral de Ordenación Municipal.
Tipo de licitación: 3.555.555 ptas.
Duración: un ano.
Fianzas: definitiva, 4% do importe da licitación.
Exposición ó público: o prego de condicións poderase consultar na secretaría do concello de luns a venres, de 9 a 14 horas.
Presentación de proposicións: durante os trece días naturais seguintes ó da publicación do anuncio de licitación no DOG, de luns a venres, de 9 a 14 horas, no rexistro xeral do concello.
Apertura de proposicións: terá lugar ás 18 horas do día hábil seguinte ó da conclusión do prazo para presentación de proposicións.
Modelo de proposición:
Don... maior de idade, veciño de..., con domicilio en..., DNI nº..., en nome propio (ou en representación de..., conforme acredito con poder suficiente) informado do concurso tramitado para adxudica-lo contrato de consultoría e asistencia para a elaboración dun Plan Xeral de Ordenación Municipal, mediante procedemento aberto, comprométese á súa realización nas seguintes condicións: (lugar, data e sinatura).
Vilar de Santos, 7 de novembro de 1997.
Xosé Antón Jardón da Cal
Alcalde