Examinado o expediente incoado pola titularidade do centro privado Virgen del Carmen da Coruña, en solicitude de cesamento de actividades no dito centro.
Resultando que o antedito centro privado obtivo, por Orde do 1 de agosto de 1974, a autorización definitiva para dúas unidades de preescolar-párvulos e por Orde do 26 de agosto de 1974, autorización definitiva para 8 unidades de educación xeral básica.
Resultando que o expediente foi tramitado regulamentariamente pola Delegación Provincial de Educación e Ordenación Universitaria da Coruña.
Resultando que a devandita delegación provincial elevou proposta favorable sobre a referida petición, xuntando o preceptivo informe, así mesmo favorable, da Inspección de Educación.
Visto o Decreto 133/1995, do 10 de maio, que regula as autorizacións de cesamento de actividades (DOG do 22), e a Orde do 20 de setembro de 1995 (DOG do 15 de decembro), polo que se desenvolve o antedito decreto, esta consellería,
DISPÓN:
Autorizar, de acordo cos informes emitidos, o cesamento de actividades do centro privado que se relaciona no anexo da presente orde, quedando nulas e sen ningún efecto as disposicións que autorizan o funcionamento legal do devandito centro.
Santiago de Compostela, 23 de outubro de 1997.
Celso Currás Fernández
Conselleiro de Educación e Ordenación Universitaria
ANEXO
Provincia da Coruña.
Código do centro: 15004721.
Concello: A Coruña.
Localidade: A Coruña.
Enderezo: El Montino.
Denominación: Virgen del Carmen.
Titular: PP Carmelitas.
Autorización do cesamento de actividades do centro.
8439