Visto o expediente para outorgamento de autorización administrativa, declaración de utilidade pública e aprobación do proxecto de execución da instalación eléctrica que se cita:

Solicitante: Unión Eléctrica-Fenosa, S.A.

Enderezo social: Severo Ochoa, 2, 15000 A Coruña.

Denominación: L.M.T., C.T e R.B.T. Regoufe-Traselas.

Situación: Teo.

Descricións técnicas: liña eléctrica aérea de media tensión, a 20 kV, sobre apoios de formigón e con conductor LA-56, de 1.090 m de lonxitude, con orixe na liña que alimenta o C.T. Loureiro e final no C.T. que se vai instalar en Regoufe.

Centro de transformación aéreo en Regoufe, de 50 kVA e tensións de 20/0,380-0,220 kV, do que sae rede de baixa tensión en conductor R.Z. de 18 m.

Cumpridos os trámites ordenados nos capítulo III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolveu,

Autorizar, declarar de utilidade pública e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.

A Coruña, 2 de outubro de 1997.

Juan Ignacio Lizaur Otero

Delegado provincial da Coruña

8321