De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no
anexo se menciona que, con esta data, resolvín publica-la resolución do procedemento sancionador por infracción da Lei 4/1989, do 27 de marzo, de conservación dos espacios naturais e da flora e fauna silvestres (BOE nº 74, do 28-3-1989), por non ser posible a súa notificación.
O importe da sanción farase efectivo en calquera entidade bancaria, na conta de recadación de multas e sancións da Xunta de Galicia nº 311.000.166/2 da Caixa de Aforros de Galicia na Coruña, O.P., no prazo de quince días hábiles, contados a partir do día seguinte a aquel no que esta resolución sexa executiva. Para efectualo deberán emprega-lo impreso normalizado que lles será facilitado nesta delegación provincial, sita no edificio administrativo de servicios múltiples, Monelos, A Coruña. Transcorrido o citado prazo procederase ó cobramento pola vía administrativa de constrinximento.
Non obstante o anterior, e de conformidade co previsto no artigo 114 e concordantes da Lei 30/1992, de réxime xurídico das administracións públicas e do procedemento administrativo común, contra esta resolución, que nos esgota a vía administrativa, cabe formular recurso ordinario perante o conselleiro de Agricultura, Gandería e Montes, no prazo dun mes, contado igualmente, a partir do día seguinte ó de publicación desta notificación.
Transcorrido o prazo de interposición do recurso, sen que este se presente, esta resolución será firme para tódolos efectos regulamentarios.
A Coruña, 22 de outubro de 1997.
Rogelio Aramburu Núñez
Delegado provincial da Coruña
Procedemento sancionador: EN 97/008.
Denunciado: Fraga Rey, Manuel.
Último enderezo coñecido: rúa Fernández Varela, 28-3º B, A Pobra de Caramiñal, A Coruña.
Feitos denunciados: estaciona-lo seu vehículo en zona prohibida, bloqueando un acceso para maquinaria agrícola para as leiras, no interior de zona de circulación prohibida.
Lei 4/1989 de CEN. Tipificación infracción:
Artigo infrinxido: 38.13º.
Cualificación da infracción: leve.
Sanción: 15.000 ptas.
8551