De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícanse por medio desta publicación as liquidacións relativas ós conceptos tributarios e contribuíntes dos que se indican datos e último domicilio coñecido, xa que a notificación polos medios habituais non puido practicarse.

Os acordos de liquidación foron dictados polo titular da oficina liquidadora correspondente, de acordo coas normas reguladoras de cada tributo. A comprobación da valoración realizouse de acordo co regulado no artigo 52 da Lei xeral tributaria (Lei 230/1963 do 28 de decembro).

Prazos para efectura-lo ingreso.

Artigo 20 do Regulamento xeral de recadación aprobado polo Real decreto 1684/90 do 20 de decembro.

-Os notificados entre os días 1 e 15 de cada mes: desde a data desta publicación ata o día 5 do mes seguinte ou día hábil inmediato posterior.

-Os notificados entre os días 16 e último de cada mes: desde a data desta publicación ata o día 20 do mes seguinte ou inmediato hábil posterior.

As débedas non ingresadas en período voluntario faranse efectivas por vía de constrinximento.

Modo de ingreso.

1. Na oficina liquidadora de Cambados, rúa Orense, 3; na oficina liquidadora de Redondela, rúa Castro San Pedro, 3 portal 1, 1 C o na oficina liquidadora de Vilagarcía de Arousa, rúa Alcalde Rey Daviña, 3, 1º B, segundo corresponda, en metálico ou cheque conformado.

Recursos.

-Recurso de reposición no prazo de 15 días ante o órgano que practicou a liquidación ou reclamación económico-administrativa no prazo de 15 días perante do Tribunal Económico-Administrativo Rexional de Galicia (secretaría delegada de Pontevedra, praza de Ourense, 2, Pontevedra), ámbolos dous prazos contados a partir do día seguinte ó do recibo desta notificación, sen que poidan simultanearse.

A interposición do recurso ou da reclamación non suspende a obriga de efectua-lo ingreso, salvo o establecido no artigo 101 do Regulamento xeral de recadación aprobado polo Real decreto 1684/1990, do 20 de decembro.

Taxación pericial contradictoria.

Ademais, no mesmo prazo e en corrección do resultado da comprobación de valores, poderá promove-la práctica da taxación pericial contradictoria, o que determinará a suspensión da liquidación e dos prazos de reclamación contra ela. A taxación solicitarase ante a oficina liquidadora correspondente.

Pontevedra, 20 de outubro de 1997.

Francisco Lozano Rodríguez

Delegado territorial de Pontevedra

8130