A Xerencia Xeral do Complexo Hospitalario de Santiago de Compostela, en virtude das atribucións que lle foron delegadas conforme o establecido no artigo 7 da Orde do 22 de maio de 1996 (DOG 6 de maio) da Consellería de Sanidade e Servicios Sociais, convoca o seguinte concurso público:
1. Nome e enderezo do servicio: Servicio de Contratación Administrativa do Complexo Hospitalario de Santiago de Compostela, Hospital de Conxo, rúa Ramón Baltar, s/n, 15706 Santiago de Compostela. Teléfono: (981) 54 05 36. Fax: (981) 53 12 55.
2. a) Modalidade de adxudicación: concurso público. Procedemento aberto e ordinario.
b) Forma do contrato obxecto de licitación: arrendamento.
3. a) Lugar de entrega: Servicio de Radioloxía do Hospital de Conxo.
b) Natureza e cantidade dos equipos que se van arrendar:
Importe total: 332.700.000 ptas., IVE incluído.
-Lote 1: arrendamento dun equipo de resonancia magnética nuclear:
Importe: 205.500.000 ptas., IVE incluído.
Duración: 5 anos.
-Lote 2: arrendamento dun equipo de tomografía axial computarizada.
Importe: 127.200.000 de ptas., IVE incluído.
Duración: 5 anos.
c) Licitación: a licitación versará sobre a totalidade do concurso ou sobre cada un dos lotes.
4. Prazo de entrega eventualmente imposto: ata o 31 de decembro de 1997.
5. a) Nome e enderezo do servicio ó que poden solicita-lo prego de condicións e os documentos complementarios: o que figura no punto 1.
6. a) Data límite de recepción de ofertas: 2 de decembro de 1997.
b) Enderezo ó que deben enviarse as ofertas: o que figura no punto 1.
c) Lingua ou linguas nas que se deberán redacta-las ofertas: castelán e/ou galego.
7. a) Persoas admitidas para asistir á apertura das ofertas: apertura en acto público.
b) Data, hora e lugar de apertura das ofertas: na sala de xuntas do Hospital de Conxo a partir das 10 horas do día 13 de decembro de 1997.
8. Garantías esixidas.
-Provisional: 2% do orzamento de licitación do lote/s ós que se presenta oferta.
-Definitiva: 4% do orzamento máximo autorizado.
Constituiranse segundo o disposto nas cláusulas 36 e 37, respectivamente, da Lei 13/1995, de contratos das administracións publicas.
9. Modalidades básicas de financiamento e de pagamento e/ou referencia ós textos que as regulan: o pagamento realizarase mensualmente, na forma establecida na cláusula 10 do prego de cláusulas administrativas particulares.
10. Se é o caso, forma xurídica que deberá adopta-la unión de empresarios adxudicataria do contrato: as unións de empresarios poderán participar neste concurso nos termos previstos no artigo 24 da Lei 13/1995, do 18 de maio, de contratos das administracións públicas.
11. Condicións mínimas de carácter económico e técnico ás que se deberá axusta-lo provedor: as condicións que se establecen na cláusula 7 do prego de cláusulas administrativas particulares.
12. Prazo no que o licitador estará abrigado a mante-la súa oferta: durante 3 meses, desde a data de apertura das proposicións.
13. Criterios de adxudicación do contrato: os que se establecen na cláusula 10 do prego de cláusulas administrativas particulares:
-Características técnicas do equipo: ata 70 puntos.
-Prezo do equipo: ata 15 puntos.
-Prezo e características do canon de mantemento.
Implantación de equipos e do servicio técnico.
Prestación actual do servicio posvenda: ata 15 puntos.
14. Variantes: pódense presentar variantes ou alternativas ó obxecto do contrato, respectando as condicións mínimas contidas nas prescricións técnicas e o orzamento máximo autorizado (total ou parciais por lotes).
15. Información complementaria: calquera outra información solicitaráselle ó servicio que figura no punto 1.
16. Data de publicación no DOCE do anuncio de información previa: 5 de xullo de 1997.
17. Data de envío do anuncio: 27 de outubro de 1997.
18. Data de recepción do anuncio pola Oficina de Publicacións Oficiais das Comunidades Europeas (reservado á OPOCE):
Santiago de Compostela, 22 de outubro de 1997.
Ignacio Martínez González
Xerente xeral
8436