O Pleno da Corporación, en sesión do 25-9-1997, adoptou o seguinte acordo:

Primeiro.-Aprobar definitivamente o proxecto de modificación puntual do Catálogo de edificacións e elementos que hai que conservar do termo municipal (cidade e rural), formulado por esta Administración municipal e redactado polo arquitecto xefe do Servicio Municipal de Xestión e Disciplina Urbanística, referente ó Colexio do Sagrado Corazón de Praceres, muro-acueducto do Rañadoiro en Pontesampaio e execución de aproveitamentos baixo cuberta nos edificios catalogados, aceptando a alegación formulada na fase de información pública do expediente pola directora do Colexio do Sagrado Corazón de Praceres respecto ó mantemento da tella plana na cuberta do edificio e ocupación da ala dereita do edificio a unha distancia mínima da zona cata

logada con nivel de protección A, xustificacións que pasan a ser, por conseguinte, recollidas no proxecto de modificación puntual.

Segundo.-Publicar este acordo no Diario Oficial de Galicia, con comunicación ás entidades interesadas, Consellería de Cultura e Comunicación Social e traslado á Consellería de Política Territorial, Obras Públicas e Vivenda dunha copia adverada do expediente administrativo completo e dous exemplares do instrumento aprobado definitivamente, debidamente dilixenciados, dispoñendo a publicación das normas e ordenanzas da modificación no BOP para logra-la súa eficacia e executividade, de acordo co establecido na Lei 39/1994, do 30 de decembro, pola que se modifica o artigo 70.2º da Lei 7/1985, do 2 de abril, reguladora das bases de réxime local.

O que se fai público para a súa executividade, e sinálase que contra este acordo, que esgota a vía administrativa, poderase interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses computados a partir do día seguinte a esta publicación, logo da comunicación ó órgano que dictou o acto impugnado, e isto sen prexuízo de que se poida exercer, se é o caso, calquera outro recurso que se coide procedente.

Pontevedra, 1 de outubro de 1997.

Juan Luis Pedrosa Fernández

Alcalde

Julio Dapena Outomuro

Secretario xeral

7326