DOG 211 do 31/10/1997 - RESOLUCIÓN do 16 de outubro de 1997 pola que se aproban os modelos das instancias de tramitación das axudas recollidas na orde da Consellería de Economía e Facenda, do 13 de outubro de 1997, de bases reguladoras das axudas da iniciativa Peme de desenvolvemento empresarial na Comunidade Autónoma de Galicia.

III. OUTRAS DISPOSICIÓNS

INSTITUTO GALEGO DE PROMOCIÓN ECONÓMICA

RESOLUCIÓN do 16 de outubro de 1997 pola que se aproban os modelos das instancias de tramitación das axudas recollidas na orde da Consellería de Economía e Facenda, do 13 de outubro de 1997, de bases reguladoras das axudas da iniciativa Peme de desenvolvemento empresarial na Comunidade Autónoma de Galicia.

A disposición final primeira da orde da Consellería de Economía e Facenda, do 13 de outubro de 1997 (DOG do 15 de outubro), de bases reguladoras das axudas da Iniciativa Peme de desenvolvemento empresarial na Comunidade Autónoma de Galicia faculta o director xeral do Igape para que aprobe os modelos de instancias de tramitación da dita orde.

Así mesmo, o artigo 5.2º da dita orde establece que se poderán presentar solicitudes desde o día seguinte ó da publicación dos modelos de solicitude

no Diario Oficial de Galicia, ata o 31 de decembro de 1997. Na súa virtude,

RESOLVO:

Primeiro.-Aproba-los modelos das instancias de tramitación da orde da Consellería de Economía e Facenda do 13 de outubro de 1997 (DOG do 15 de outubro), segundo os modelos anexos á presente resolución.

Segundo.-Dispoñe-la publicación da presente resolución no Diario Oficial de Galicia. En consonancia co establecido nas bases reguladoras das axudas da iniciativa Peme de desenvolvemento empresarial na Comunidade Autónoma de Galicia, os interesados poderán presenta-la correspondente solicitude desde o día seguinte ó da publicación no Diario Oficial de Galicia da presente resolución e ata o 31 de decembro de 1997.

Santiago de Compostela, 16 de outubro de 1997.

Diego Diz Fernández

Director xeral do Instituto Galego de Promoción Económica

8258