Convócase a concurso público, polo trámite de urxencia, para a contratación dun arquitecto/a superior para a redacción do proxecto básico para a rehabilitación do pazo de Lóngora para centro universitario de Estudios Ambientais.

O prego de cláusulas administrativas particulares para a contratación de servicios por concurso público pódese retirar na Xerencia, Servicio de Xestión Económica, na sede do Rectorado, sita en rúa Maestranza, s/n, A Coruña, de luns a venres e de 9 a 14 horas.

As propostas presentaranse no rexistro xeral da universidade, rúa Maestranza, s/n, de luns a venres e de 9 a 14 horas.

O prazo de presentación de proposicións rematará ás 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia.

A apertura de plicas celebrarase o terceiro día hábil seguinte ó do remate do prazo de presentación de proposicións, ás 11 horas da mañá na sala de xuntas da Xerencia; se este día coincide en sábado, realizarase o luns seguinte á mesma hora.

Orzamento de contratación: tres millóns cincocentas cincuenta e unha mil duascentas dezanove pesetas (3.551.219 ptas.).

A Coruña, 20 de outubro de 1997.

P.D. (Resolución 30-3-1990)

José María Pujalte Giménez

Xerente da Universidade da Coruña

8238