O Instituto Galego da Vivenda e Solo, con data do 5 de setembro de 1992, asinou un convenio co concello de Becerreá para a creación dun parque empresarial no dito concello.
A Comisión Provincial de Urbanismo de Lugo, en sesión celebrada o día 14 de setembro de 1994 (BOP nº 217, do 21 de setembro de 1994), aprobou definitivamente o plan parcial do parque empresarial de Becerreá. Este plan parcial establece como sistema de actuación para a súa execución o de expropiación. O que implica a declaración de utilidade pública das obras e a necesidade de ocupación dos terreos e edificios correspondentes ós fins da expropiación, segundo o artigo 132 do Real decreto lexislativo 1/1992, do 26 de xuño, polo que se aproba o texto refundido da Lei sobre réxime do solo e ordenación urbana.
Os bens e dereitos afectados pola expropiación están comprendidos, dentro do ámbito da unidade de execución delimitada no plan parcial do parque empresarial de Becerreá, e están concretados na relación de propietarios e titulares de bens e dereitos que se precisan ocupar, que se publica conxuntamente con esta resolución.
O artigo 218 do Real decreto lexislativo 1/1992, do 26 de xuño, permítelle á Administración actuante aplicar en tódalas expropiacións urbanísticas o procedemento de taxación conxunta regulado nos artigos 219 e seguintes do dito texto legal e nos artigos 202 e seguintes do Regulamento de xestión urbanística.
De conformidade co previsto nos artigos 219 e seguintes do Real decreto lexislativo 1/1992, do 26 de xuño, polo que se aproba o texto refundido da Lei sobre réxime do solo e ordenación urbana, sométese a información pública o expediente de expropiación dos bens e dereitos que se precisan ocupar para a execución do parque empresarial de Becerreá.
O expediente estará exposto nas oficinas da sociedade de Xestión Urbanística de Lugo, S.A. (Xestur-Lugo) sita na Praza de Santo Domingo, nº 6-5º de Lugo, polo prazo dun mes a partir da publicación desta resolución no Diario Oficial de Galicia.
Durante o citado prazo todas aquelas persoas ou entidades que se consideren afectadas poderán presenta-las alegaciones que consideren oportunas, por triplicado exemplar, no rexistro da Xefatura da Área Provincial do Instituto Galego da Vivenda e Solo, sito na Avenida Ramón Ferreiro, nº 28 de Lugo.
Santiago de Compostela, 3 de outubro de 1997.
José Antonio Redondo López
Director xeral do Instituto Galego da Vivenda e Solo
(m) PesetasPredio Propietario Superficie
Prezo xusto
Av. Cruz Roja, nº 2
27640 Becerreá (Lugo) r/ Alandra, nº 12
27640 Becerreá (Lugo) r/ Elogio Rosón, 26-2º B
27640 Becerreá (Lugo)106 José Gutiérrez Rey
530 1.325.221 108 Matías Rodríguez González
1.230 455.473 111 Isaac Mateos Varela
920 568.529
97-8115