Aprobado polo Pleno do Concello, na súa sesión ordinaria do día 26 de setembro de 1997, o escudo heráldico municipal, de acordo coa proposta realizada pola Comisión de Heráldica da Consellería de Xustiza, Interior e Relacións Laborais da Xunta de Galicia.

Escudo municipal: as armas que se achegan ó escudo brasónanse do seguinte xeito: de gules (vermello), a cruz de San Xoán de prata (branca); xefe de azur (azul) con tres vieiras de prata; bordura de sabre (negro) coa cadea de ouro. O timbre coroa real pechada.

Sométese o expediente a información pública polo prazo dun mes, para efectos de exame e reclamacións, segundo o disposto no artigo 3 do Decreto 258/1992, do 10 de setembro, da Consellería da Presidencia e Administración Pública.

Vilardevós, 1 de outubro de 1997.

José Luis Pérez García

Alcalde