A orde da Consellería de Educación e Ordenación Universitaria do 22 de maio de 1997 (DOG do 30 de maio) pola que se convocan e aproban as bases polas que se rexen as convocatorias de bolsas e axudas de apoio á formación e actualización do persoal investigador prevé, no seu anexo II (apartados B e C), a concesión de prórroga das bolsas predoutorais a aqueles bolseiros que desfrutaron durante o curso 1996/97 dunha bolsa predoutoral de nova adxudicación (Resolución do 28 de novembro de 1996, DOG 13-12-1996) ou da primeira prórroga das ditas bolsas (Resolución do 1 de outubro de 1996, DOG 30-10-1996).

En consecuencia, atendendo á proposta elaborada pola Comisión de Selección de Política Científica creada polo Decreto 160/1991, do 16 de maio (DOG 28-5-1991), e orde da Consellería de Educación e Ordenación Universitaria do 30 de xaneiro de 1997 (DOG 13-2-1997), esta dirección xeral,

RESOLVE:

Primeiro.-Acórdase concedérlle-la primeira prórroga da bolsa para a realización da tese de doutoramento, durante o período outubro 97-setembro 98 (ambos inclusive), ás persoas que se relacionan no anexo I á presente resolución.

Segundo.-Acórdase concedérlle-la segunda prórroga da bolsa para a realización da tese de doutoramento, durante o período outubro 97-marzo 98 (ambos inclusive), ás persoas que se relacionan no anexo II á presente resolución.

Terceiro.-A contía das bolsas será de 110.000 ptas./mes brutas. Esta cantidade poderá ser modificada por resolución da Dirección Xeral de Universidades e Investigación, dentro dos límites fixados na propia convocatoria, co fin de consegui-la total homologación destas bolsas coas de formación de persoal investigador que convoca o Ministerio de Educación e Ciencia para o ano 1998.

Estas bolsas aboaranse con cargo á aplicación orzamentaria 07.05.431A.480.0 cofinanciada con recursos procedentes do programa operativo do Fondo Social Europeo.

Cuarto.-No caso de producirse algunha renuncia ás bolsas ás que se refiren os apartados primeiro e segundo da presente resolución, a Dirección Xeral de Universidades e Investigación procederá, se é o caso, e tendo en conta o remanente de crédito, a adxudicárlle-la dita axuda a outros candidatos tendo en conta a lista de suplentes que elabore a Comisión de Selección de Política Científica con ocasión

da adxudicación das bolsas predoutorais de nova adxudicación.

Quinto.-A inobservancia por parte dos beneficiarios de calquera das bases establecidas na orde de convocatoria de 22 de maio de 1997 suporá a perda do dereito a percibi-la axuda correspondente.

Sexto.-Contra a presente resolución poderán os interesados interpoñer recurso ordinario ante o conselleiro de Educación e Ordenación Universitaria no prazo dun mes contado a partir da data de publicación da presente resolución no DOG, de acordo co disposto nos artigos 114 e seguintes da Lei 30/1992, de réxime xurídico das administracións públicas e do procedemento administrativo común.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 10 de outubro de 1997.

José Manuel Touriñán López

Director xeral de Universidades e Investigación

ANEXO I

ANEXO II

7873