Atendendo ás demandas recibidas dos órganos de representación dos comerciantes en relación ó curto período de tempo para a presentación de solicitudes de axuda financeira establecido no convenio para a potenciación do comercio retallista e nas bases que regulan a concesión de axudas financeiras ó tipo de xuro ó abeiro do dito convenio, coincidindo na súa maior parte cos meses de verán, época de maior actividade para este sector, e co obxecto de que se poidan tramita-lo maior número de expedientes de solicitude de axuda dentro do límite orzamentario establecido, parece necesario amplia-lo prazo de presentación de novas solicitudes de axuda financeira ó amparo do dito convenio.
Visto o exposto e de conformidade coas partes asinantes do convenio, e en virtude das facultades que teño conferidas,
RESOLVO:
Prorroga-lo prazo para a presentación de solicitudes de axuda financeira establecida na cláusula novena do citado convenio, no segundo parágrafo da base terceira das bases e no último parágrafo do punto B) da base sétima das bases, quedando redactado da seguinte maneira:
O prazo de presentación de solicitudes de subvención na entidade financeira rematará o día 14 de novembro de 1997 e o prazo límite para a presentación polas entidades financeiras das solicitudes ante o Igape será o 28 de novembro de 1997.
Santiago de Compostela, 10 de outubro de 1997.
José Antonio Orza Fernández
Presidente do Instituto Galego de Promoción
Económica
7907