Por Orde do 18 de agosto de 1997 (DOG do 5 de setembro) convocáronse licencias por estudios para estadías formativas en empresas ou institucións para o curso 1997-1998 para funcionarios docentes non universitarios nas que, segundo o artigo sexto, se establece un prazo de presentación de solicitudes que remata o día 15 de setembro para as licencias de estudios modalidade A, e o día 31 de outubro para aquelas de modalidade B.
Transcorrido o primeiro prazo de presentación de solicitudes e co obxecto de favorecer que o maior número de profesores accedan a estas estadías formativas, e tendo en conta a importancia que teñen de cara ó coñecemento dos procesos productivos que se desenvolven nas empresas, esta Consellería de Educación e Ordenación Universitaria,
DISPÓN:
Primeiro.-Abrir un novo prazo de presentación de solicitudes de licencias por estudios, na modalidade A, e para as estadías que se realicen a partir do 1 de novembro de 1997, prazo que rematará o 18 de outubro.
Segundo.-Esta orde entrará en vigor o día seguinte ó da súa publicación no DOG.
Santiago de Compostela, 30 de setembro de 1997.
Celso Currás Fernández
Conselleiro de Educación e Ordenación Universitaria
5513