O director-xerente do Complexo Hospitalario Juan Canalejo-Marítimo Oza, en virtude das atribucións que lle foron delegadas por Orde do 22 de maio

de 1996, sobre delegación de competencias nos órganos centrais e periféricos do Servicio Galego de Saúde, e unha vez cumpridos os trámites administrativos correspondentes, resolve anuncia-la contratación do subministración que a seguir se cita:

Obxecto: adquisición dun programa de xestión de coidados de enfermería e implantación deste en dúas unidades do Complexo Hospitalario Juan Canalejo.

Orzamento: 2.552.000 ptas. Este orzamento, así como o prezo que finalmente resulte da adxudicación, debe imputarse ó 50% entre as dúas unidades a que se refire o contrato.

Garantía provisional: 51.040 ptas.

As especificacións técnicas do programa, desde o punto de vista técnico-informático, detállanse a continuación:

* A ferramenta terá que estar construída seguindo os seguintes criterios:

-Sistema operativo UNIX.

-Base de datos relacional, preferentemente INFORMIX.

-Ferramentas de desenvolvemento de 4ª xeración independente da base de datos.

-Arquitectura cliente-servidor.

* Ademais, obrigatoriamente, debe dialogar co software denominado Proxecto SIHGA (oficial en toda a Comunidade Autónoma de Galicia), e recoller tódolos datos demográficos dos pacientes en tempo real e das táboas do dito software.

I. Forma de adxudicación: concurso polo procedemento aberto.

II. Prazo de entrega: a entrega completa do equipo deberase realizar no prazo de 30 días, desde a notificación da adxudicación ó contratista.

III. Admisión de variantes: non se autorizan, o que se fai constar expresamente neste prego e no anuncio da licitación, de acordo co artigo 88.2 da LCAP.

IV. Solvencia económica e técnica: ver prego de cláusulas administrativas particulares.

V. Criterios de adxudicación:

-Desenvolvemento das prestacións e contidos mínimos esixidos ó programa informático (ver apartado 3 do anexo 1): 50%.

-Rebaixa do prezo ofertado sobre o orzamento máximo: 20%.

-Melloras sobre as prestacións e contidos mínimos esixidos: 10%.

-Características técnicas e modo de funcionamento do programa: 10%.

-Planning dos traballos ata alcanza-lo pleno funcionamento do programa; especialmente, diminución do prazo máximo: 10%.

VI. Documentos de interes para os licitadores: o prego de cláusulas administrativas particulares e demais documentación complementaria poden ser solicitados no Servicio de Contratación do Complexo Hospitalario (planta terceira do edificio da Escola Universitaria de Enfermería, anexo ó Hospital Juan Canalejo). As Xubias de Arriba, 84. 15006-A Coruña, en días laborables desde as 9 as 14 horas. Teléfono: (981) 17 80 73. Fax: (981) 17 80 32.

VII. Presentación de proposicións: as proposicións deberanse presentar en man, en sobres pechados e asinadas polo licitador ou persoa que o represente, no rexistro xeral deste Complexo Hospitalario Juan Canalejo (planta baixa do Hospital Juan Canalejo), antes das 14 horas do vixésimo sexto día natural contado a partir do seguinte ó da publicación desta resolución no Diario Oficial de Galicia, ou mandadas por correo dentro do prazo sinalado.

VIII. Apertura das proposicións: terá lugar na sala de xuntas da Xerencia do Complexo Hospitalario (planta baixa da Escola Universitaria de Enfermería), a partir das 10 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura de proposicións terá lugar o primeiro día hábil seguinte.

IX. Documentación que deberán achega-los licitadores: os documentos que figuran no prego de cláusulas administrativas particulares.

X. Anuncios: os anuncios do presente concurso serán por conta do adxudicatario do contrato.

A Coruña, 17 de setembro de 1997.

Jesús Caramés Bouzán

Director-xerente do Complexo Hospitalario

Juan Canalejo-Marítimo Oza da Coruña

7424