De conformidade co establecido na Orde do 22 de maio de 1996, sobre delegación de atribucións nos órganos centrais e periféricos da Consellería de Sanidade e Servicios Sociais.
Esta delegación provincial, unha vez cumpridos os trámites administrativos correspondentes, resolve anunciar concurso, por procedemento aberto e trámite de urxencia, para a contratación de subministración consistente na adquisición de vestiario para persoal laboral de centros dependentes da dita delegación provincial.
Obxecto: adquisición de vestiario.
Orzamento:
Partida I (calzado): 2.450.000 ptas. (dous millóns catrocentas cincuenta mil pesetas) IVE incluído.
Partida II (pixamas e batas): 2.650.000 ptas. (dous millóns seiscentas cincuenta mil pesetas) IVE incluído.
Partida III (prendas diversas): 7.400.000 ptas. (sete millóns catrocentas mil pesetas) IVE incluído.
O licitador poderá presenta-la súa oferta por cada unha das partidas independentemente.
Prazo de entrega: dous meses.
Execución: a medida.
Clasificación: non se esixe.
Fianza provisional: 2% do orzamento.
Fianza definitiva: 4% do orzamento.
Forma de tramitación: urxente.
1. Exposición de documentación: os pregos de cláusulas administrativas particulares e demais documentación técnica poderá ser examinada nas delegacións provinciais da Consellería de Sanidade e Servicios Sociais, de 10 a 14 horas nos días hábiles.
2. Solvencia económica, financeira e técnica: os licitadores terán que acredita-la solvencia económica, financiera e técnica, en calquera das formas previstas na Lei de contratos das administracións públicas.
3. Lugar: a presentación de propostas farase no rexistro da Delegación Provincial de Pontevedra ou nas súas dependencias en Vigo, Avenida Cánovas del Castillo, s/n, en sobres pechados, ou por correo con xustificación da data de imposición e a comunicación o mesmo día ó órgano de contratación mediante telegrama ou telefax.
4. Prazo de presentación de propostas: comezará o día seguinte ó da publicación da presente resolución no Diario Oficial de Galicia e rematará ós 15 días naturais ás 14 horas.
5. Documentación que deberán presenta-los licitadores: os licitadores presentarán en sobre pechado e asinado por este a documentación persoal, a proposta económica e as referencias técnicas descritas no punto 9 do prego de cláusulas administrativas particulares.
6. Criterios de adxudicación: os definidos no punto nº 11 do prego de cláusulas administrativas particulares.
7. Apertura de propostas: realizaraa a mesa de contratación o décimo terceiro día natural seguinte ó do remate do prazo de presentación de propostas na sala de xuntas da Delegación Provincial de Pontevedra, nas súas dependencias de Vigo, Avenida Cánovas del Castillo, s/n, ás 10 horas en acto público.
Se coincidise ese día en sábado ou festivo, reuniranse o primeiro día hábil seguinte.
8. O pagamento deste anuncio será por conta do adxudicatario.
Vigo, 11 de setembro de 1997.
P.D. (Orde 22-5-1996)
Jorge García-Borregón Millán
Delegado provincial da Consellería de Sanidade e Servicios Sociais de Pontevedra
7046