DOG 185 do 25/09/1997 - RESOLUCIÓN do 18 de setembro de 1997 pola que se anuncia a licitación, polo sistema de concurso aberto e trámite de urxencia, para a contratación das obras de substitución de cubertas no grupo Sampaio, Ribadavia, provincia de Ourense. (Expediente OU-97/REP03).

VI. ANUNCIOS

DA ADMINISTRACIÓN AUTONÓMICA

INSTITUTO GALEGO DA VIVENDA E SOLO

RESOLUCIÓN do 18 de setembro de 1997 pola que se anuncia a licitación, polo sistema de concurso aberto e trámite de urxencia, para a contratación das obras de substitución de cubertas no grupo Sampaio, Ribadavia, provincia de Ourense. (Expediente OU-97/REP03).

Obxecto: execución de obras de substitución de cubertas.

Orzamento: sete millóns duascentas noventa e seis mil seiscentas setenta e sete (7.296.677) pesetas, IVE incluído.

Prazo de execución: dous (2) meses.

Clasificación: non se esixe.

Garantía provisional: cento corenta e cinco mil novecentas trinta e catro (145.934) pesetas.

Garantía definitiva: duascentas noventa e unha mil oitocentas sesenta e sete (291.867) pesetas.

Documentación: os pregos de cláusulas administrativas particulares e de prescricións técnicas que rexerán nesta contratación estarán de manifesto e á disposición dos interesados para o seu exame durante o prazo de presentación de proposicións, nos días e horas hábiles, no rexistro da sede dos servicios centrais do IGVS (polígono das Fontiñas, Área Central, s/n, Santiago de Compostela).

Presentación de proposicións: as proposicións, que se axustarán ó modelo que se inclúe no correspondente prego de cláusulas administrativas particulares, presentaranse no antedito rexistro, antes das 14 horas do décimo terceiro (13) día natural contado a partir do seguinte ó da publicación desta resolución no Diario Oficial de Galicia. De coincidi-lo dito día en sábado ou festivo, o prazo para a presentación de propostas rematará o primeiro día hábil seguinte.

Apertura de proposicións: a apertura das proposicións admitidas será realizada pola mesa de con

tratación, reunida en acto público na sala de xuntas da sede dos servicios centrais do IGVS, ás dez (10) horas do sexto día natural contado a partir do seguinte ó do remate do prazo de presentación de proposicións. Se ese día coincidise en sábado, a mesa reunirase o luns seguinte á mesma hora. Cando a proposición se envíe por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante telegrama ou telefax no mesmo día.

Anuncio: o importe deste anuncio será por conta do adxudicatario.

Santiago de Compostela, 18 de setembro de 1997.

P.D. (Resolución 6-4-1995)

José A. Redondo López

Director xeral do Instituto Galego

da Vivenda e Solo

7279