A Escola Galega de Administración Pública organiza, en colaboración co Instituto Internacional de Ciencias Administrativas, un seminario sobre a xestión da función pública nos países da Unión Europea e Hispanoamérica, que se desenvolverá conforme as seguintes bases:

1. Obxectivos.

-Debater sobre o status dos funcionarios e/ou o persoal de servicios públicos nos países fortemente descentralizados e a aplicación de principios xerais aplicables a todos eles.

-Determina-las novas direccións aplicable ós recursos humanos, tendo presentes as actuais tarefas da Administración pública.

-As consecuencias dos novos métodos de dirección sobre o emprego, a mobilidade, o desenvolvemento dos sistemas de avaliación e as relacións entre formación, avaliación e promoción.

-Os novos sistemas de dirección orientados cara a un mellor funcionamento dos servicios.

-As consecuencias do Tratado de Maastricht en canto ós funcionarios dos países europeos.

2. Destinatarios.

Estudiosos, profesionais e interesados en xeral que desexen afondar na materia obxecto do curso.

3. Datas e horarios.

O seminario terá lugar os días 22 e 23 de setembro, en sesións de mañá e tarde.

4. Lugar e prazas.

Terá lugar no salón de actos da EGAP en Santiago de Compostela. O número de admitidos estará en función da capacidade do local.

5. Contido.

5.1. Relatorios.

Sesión I: A nova xestión e a función pública.

Sesión II: A nova Europa e a función pública.

Sesión III: Programas de reforma da función pública nalgúns países hispanoamericanos.

5.2. Mesa redonda.

Análise dos modelos de distribución territorial nos estados compostos.

6. Inscrición.

-Prazo: remata o mércores, día 17 de setembro de 1997.

-Lugar de presentación: no rexistro xeral da EGAP (polígono das Fontiñas, rúa de Madrid, 2-4, 15707 Santiago de Compostela). Tfno. 54 60 40. Telefax 54 63 37.

-Forma: as solicitudes de inscrición faranse por escrito, no modelo oficial que figura ó final destas bases. Serán rexeitadas todas aquelas peticións que non reúnan o dito requisito.

As peticións de admisión poderanse enviar por correo ordinario ou por telefax ó número consignado.

-Inscrición fóra de prazo: só se admitirán, de quedaren prazas baleiras, coa condición de que se cumpran os requisitos xerais antes indicados.

Os peticionarios poderán obter confirmación da súa posible admisión chamando, a partir do día 19 de setembro, por teléfono de 10.30 a 14.45 horas, ó seguinte número: (981) 54 63 39, ou ben consultando a lista de seleccionados que se expoñerá no taboleiro de anuncios da EGAP.

7. Certificación de asistencia.

Entregaráselles ó remate deste seminario a aqueles asistentes que concorresen asiduamente a el, e expresarase neste documento a natureza da actividade e as datas da súa realización.

8. Modificacións.

A EGAP poderá modifica-lo desenvolvemento e mailos contidos do seminario para adaptalos ás necesidades da Administración e ás continxencias que poidan xurdir.

Santiago de Compostela, 25 de agosto de 1997.

Domingo Bello Janeiro

Director da Escola Galega de Administración Pública

6693