A Secretaría Xeral da Consellería de Agricultura, Gandería e Montes, resolveu convoca-la seguinte licitación polo sistema de concurso aberto:

Obxecto: contratación da subministración consistente na adquisición dun equipo dendrométrico para o Centro de Investigacións Forestais de Lourizán (IAS-423), de acordo cos proxectos e pregos aprobados para iso.

Orzamento de licitación: cinco millóns oitocentas mil pesetas (5.800.000 ptas.).

Fianza provisional: exenta.

Fianza definitiva: duascentas trinta e dúas mil pesetas (232.000 ptas.).

Prazo de execución: sesenta días a partir do asinamento do contrato.

Exposición dos pregos: o prego de cláusulas administrativas particulares, así como o de prescricións técnicas, estarán á disposición dos licitadores para o seu exame durante o prazo de presentación de ofertas, os días e horas hábiles de oficina, na Dirección Xeral de Estructuras e Desenvolvemento Rural (edificios administrativos San Caetano, s/n, Santiago de Compostela, A Coruña).

Modelo de proposición: a proposición económica formularase estrictamente conforme o modelo que figura no prego de cláusulas administrativas particulares.

Presentación e apertura de proposicións: as ofertas deberán presentarse no rexistro xeral da Consellería de Agricultura, Gandería e Montes ou en calquera das vías admitidas polo artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, antes das 14 horas do día 24 de setembro de 1997.

A apertura de proposicións terá lugar en acto público ás 13 horas do día 30 de setembro de 1997, na sala B de reunións da Consellería da Presidencia e Administración Pública, sita no semisoto do edificio central de San Caetano, Santiago de Compostela.

Gastos de publicación: serán por conta dos adxudicatarios.

Santiago de Compostela, 20 de agosto de 1997.

P.D. (Orde 13-12-1993, DOG nº 239, 14-12-1993)

Antonio L. Rosón Pérez

Secretario xeral da Consellería de Agricultura,

Gandería e Montes

97-6166