Por Orde do 26 de febreiro de 1997 (DOG do 1 de abril) convócanse axudas económicas para as corporacións locais que sexan titulares de escolas-fogar e regúlase o seu outorgamento no presente exercicio económico.
A comisión constituída segundo establece o punto quinto da orde da convocatoria, en reunión celebrada o día 15 de xullo de 1997, acordou propoñe-la adxudicación das ditas axudas, por tanto esta consellería,
DISPÓN:
Primeiro.-Adxudicarlles axudas ós concellos titulares de escolas fogar solicitantes que se relacionan no anexo I desta orde, nas contías que se indican.
Segundo.-Para facer efectivo o pagamento das axudas, os beneficiarios presentarán na Dirección Xeral de Centros e Inspección Educativa da Consellería de Educación e Ordenación Universitaria, antes do 30 de agosto de 1997, a completa xustificación dos gastos realizados.
De acordo co apartado sétimo da orde de convocatoria, esta xustificación de gastos farase en dúas partes: o 75% correspondente ós gastos realizados con anterioridade ó 30 de maio e o 25% restante, correspondente a gastos realizados ata o 30 de xullo de 1997.
Santiago de Compostela, 17 de abril de 1996.
Celso Currás Fernández
Conselleiro de Educación e Ordenación
Universitaria
ANEXO I
Concello de Cervantes: 459.000 pesetas.
Concello da Fonsagrada: 1.188.000 pesetas.
Concello de Quiroga: 1.188.000 pesetas.
Concello de Sarria: 2.146.000 pesetas.
Concello de Viveiro: 1.019.000 pesetas.
6152