O Instituto Galego de Promoción Económica (Igape), convoca probas de selección para cubri-las seguintes prazas de persoal laboral fixo para o CIS-Ferrol:
a) 1 técnico de contabilidade.
b) 1 xefe de unidade de desenvolvemento de producto.
c) 1 técnico de CAD e prototipado.
d) 1 xefe de unidade de tecnoloxías da producción.
e) 1 técnico do laboratorio de autómatas.
f) 1 técnico superior de tecnoloxías da información.
g) 1 auxiliar administrativo (secretaria/o de dirección).
As retribucións de cada unha das prazas convocadas serán as seguintes:
-Técnico de
contabilidadeMáximo 3.093.992 ptas. brutas anuais.-Xefe de unidade de desenvolve-
mento do productoMáximo 4.500.000 ptas. brutas anuais-Técnico de CAD e
prototipadoMáximo 3.663.400 ptas. brutas anuais-Xefe de unidade de tecno-
loxías da producciónMáximo 5.175.000 ptas. brutas anuais-Técnico do laboratorio
de autómatas máximo3.663.400 ptas. brutas anuais-Técnico superior de tecnoloxías
da informaciónMáximo 3.663.400 ptas. brutas anuais-Auxiliar administrativo
(secretaria/o de dirección)Máximo 2.408.786 ptas. brutas anuais
Requisitos xerais:
-Ter nacionalidade dun país membro da Unión Europea.
-Ter cumpridos os 18 anos de idade.
-Non padecer enfermidade ou defecto físico que impida desempeña-las funcións correspondentes.
-Non estar separado do servicio de ningunha Administración pública en virtude de expediente disciplinario, nin atoparse inhabilitado por sentencia firme para o exercicio de funcións públicas.
-Posuír e acredita-la titulación académica esixida (homologada polo Ministerio de Educación, no caso de títulos expedidos por un país que non sexa membro da Unión Europea).
Condicións específicas de cada praza:
A) Técnico de contabilidade.
Requisitos mínimos, que deberán acreditarse:
-Licenciado ou diplomado en ciencias económicas ou empresariais.
-Experiencia mínima de ano e medio en contabilidade pública.
Coñecementos necesarios para cubrir este posto:
-Informática: programas contables públicos, ACCES e EXCEL en contorno Windows.
-Orzamentos públicos e contabilidade pública.
-Plan de contabilidade e normas de contabilidade do Igape.
Valorarase:
-Control e seguimento de execución do orzamento.
-Ter desempeñado funcións de técnico de contabilidade na Administración.
-Capacidade para integrarse en grupos de traballo multidisciplinarios.
-Coñecementos de contabilidade xeral.
-Coñecementos tributarios, con especial referencia a IRPF, a IVE e a sociedades.
-Control de inventarios.
-Control de inmobilizado.
-Control e seguimento de terceiros.
-Control de proxectos.
B) Xefe de unidade de desenvolvemento de producto.
Requisitos mínimos que deberán ser debidamente acreditados:
-Titulación enxeñería superior industrial, especialidade química.
-Experiencia mínima de tres anos como responsable de departamentos técnicos en empresas.
Coñecementos necesarios para cubrir este posto:
-Traballo en redes en contorno Windows.
-Coñecementos sobre a estructura e funcionamento do Igape.
-Coñecementos da empresa galega, con especial incidencia no ámbito da innovación tecnolóxica.
-Coñecementos teóricos de deseño asistido por ordenador (CAD; CAM; CAE) e de sinterizado por láser.
Valorarase :
-Experiencia en xestión de proxectos tecnolóxicos.
-Experiencia como formador e/ou organizador de actividades formativas.
-Capacidade para integrarse en grupos de traballo.
-Experiencia en centros tecnolóxicos ou de deseño.
C) Técnico de cad e prototipado.
Requisitos mínimos esixidos que deberán acreditarse:
-Enxeñeiro superior ou licenciado en ciencias físicas.
-Experiencia profesional de ano e medio, como mínimo, en técnicas de CAD e experiencia en prototipado.
Coñecementos necesarios para cubrir este posto:
-Programas de CAD, RAM, CAE a nivel de usuario.
-Traballo de redes, en contorno Windows.
-Inglés técnico, con nivel adecuado para traducir textos específicos.
-Situación da empresa galega como demandante dos servicios de CAD e prototipado.
Valorarase :
-Experiencia en prototipado rápido sistema SLS.
-Experiencia en centros de innovación tecnolóxica.
-Capacidade de integración en grupos de traballo.
-Coñecementos de francés.
D) Xefe de unidade de tecnoloxías da producción e calidade.
Requisitos mínimos que deberán acreditarse :
-Enxeñeiro superior industrial, especialidade mecánica.
-Formación específica en calidade ISO 9000, así como en implantación de sistemas de calidade de acordo coa norma ISO 9000.
-Experiencia mínima de cinco anos en postos de responsabilidade en departamentos de producción e calidade.
Coñecementos necesarios para cubrir este posto:
-Conceptos calidade: norma ISO 9000, certificación e auditorías.
-Prototipado e enxeñería inversa.
-Tecnoloxías da unión.
-Loxística de producción.
-Coñecementos de inglés a nivel de conversación.
-Informática a nivel de usuario en contorno Windows e en traballo en rede.
Valorarase:
-Capacidade e experiencia para dirixir grupos de traballo.
-Experiencia en divulgación de temas tecnolóxicos e transferencias tecnolóxicas.
-Auditor de sistemas de calidade recoñecidos.
-Experiencia profesional nun centro tecnolóxico que desenvolva proxectos de investigación aplicada e servicios tecnolóxicos.
E) Técnico do laboratorio de autómatas.
Requisitos mínimos que deberán acreditarse:
-Titulado universitario, medio ou superior, con especialidade eléctrica, electrónica e/ou automática.
-Experiencia mínima de ano e medio en temas relacionados con autómatas.
Coñecementos necesarios para cubrir este posto:
-Programación de PLC's, especialmente Simatic S5.
-Regulación.
-Comunicación entre PLC's e conexións a outras redes.
-Sistemas de supervisión e monitorización.
Valorarase :
-Experiencia en redacción de artigos de divulgación e comunicados en prensa especializada.
-Capacidade de comunicarse en inglés e/ou alemán.
-Coñecementos en S 7.
F) Técnico superior de tecnoloxías da información.
Requisitos mínimos que deberán acreditarse:
-Titulación superior en enxeñería de telecomunicacións, especialidade telemática.
-Experiencia mínima de ano e medio en traballos relacionados con tecnoloxías da información.
Coñecementos necesarios para cubrir este posto:
-Coñecementos xerais sobre o funcionamento e estructura do Igape.
-Coñecemento dos mecanismos de consecución e xestión de axudas, especialmente das de proxectos tecnolóxicos.
-Coñecemento, manexo e xestión dos sistemas telemáticos e de telecomunicacións de vangarda.
-Dominio do idioma inglés en áreas de telemática e multimedia.
Valorarase:
-Coñecemento, xestión e manexo de laboratorios de redes de ordenadores e multimedia.
-Experiencia en organización, xestión e control de actividades de tipo tecnolóxico e formativo.
-Experiencia en aplicación tecnolóxicas, xestión e desenvolvemento de proxectos de I+D.
-Experiencia en xestión e mantemento das instalacións telemáticas dedicadas a formación e proxectos.
G) Auxiliar administrativo (secretaria/o de dirección).
Requisitos mínimos que deberán acreditarse :
-Graduado escolar ou equivalente.
-Experiencia mínima dun ano e medio en posto similar.
-Coñecementos de galego a nivel perfeccionamento.
Coñecementos necesarios para cubrir este posto:
-Igape, Sodiga, Inesga, BIC como instrumentos de apoio ó sistema productivo de Galicia.
-Estructura organizativa da Xunta de Galicia.
-Coñecementos de informática. Imprescindible o manexo de Word e Excel baixo contorno Windows.
-Coñecementos altos de inglés, falado e escrito.
Valorarase:
-Coñecementos de alemán e/ou francés.
Documentación que hai que presentar:
-Fotocopia do DNI.
-Fotografía tamaño carné.
-Documentación orixinal ou fotocopia compulsada que acredite a titulación, formación e experiencia esixidas, así como a formación e/ou experiencia que desexe achegar para ser valorada. Acreditarase a experiencia con historial completo da Seguridade Social ou certificado de empresa.
-Currículum vitae demostrable.
Lugar e prazo de presentación:
-As solicitudes presentaranse en calquera das oficinas do Igape.
-O prazo de presentación será de 15 días naturais contados a partir do día seguinte ó da publicación deste anuncio.
Proceso de selección:
1. Expirado o prazo de presentación de solicitudes, o comité de selección publicará as listas previas de admitidos e excluídos ó proceso de selección, coa motivación da exclusión, se é o caso, establecéndose un prazo de 5 días hábiles para, por petición do interesado, reparar calquera erro que sexa emendable. Esgotado este prazo, publicaranse as listas definitivas de admitidos e excluídos ó proceso de selección, incluíndo lugar e data en que comezarán as probas, ás que deberán asisti-los candidatos provistos do DNI. Estas listas serán publicadas nos taboleiros de anuncios do Igape.
2. As probas de selección consistirán nunha proba teórico-práctica e entrevista persoal.
a) Proba teórico-práctica.- Versará sobre os coñecementos e demais requisitos esixidos na convocatoria para cubrir este posto, o que terá que superar para pasar á entrevista persoal.
A proba teórico-práctica, poderá realizarse nunha ou dúas fases, ó criterio do comité de selección; neste último caso, soamente pasarán á entrevista persoal aqueles candidatos que superasen as dúas fases da proba.
Unha vez corrixida a proba teórico-práctica, o comité de selección publicará no taboleiro de anuncios do Igape a lista de aprobados e suspensos, e incluirá o lugar e data en que se realizarán as entrevistas persoais.
b) Entrevista persoal. Avaliaranse os coñecementos do candidato, ademais da adecuación deste ó posto de traballo.
3. Unha vez rematado todo o proceso anterior, o comité de selección publicará o nome das persoas seleccionadas no taboleiro de anuncios do Igape, facendo consta-la data de ingreso, así como a documentación complementaria que deberán achegar para formaliza-lo contrato.
Santiago de Compostela, 21 de xullo de 1997.
Diego Diz Fernández
Director Xeral do Instituto Galego de Promoción
Económica
5876
