Visto o expediente instruído para a provisión de notarías vacantes en virtude de concurso convocado pola resolución da Dirección Xeral dos Rexistros e do Notariado do 19 de maio de 1997 (BOE do 10 de xuño de 1997), e de conformidade cos artigos 23, 88 e demais concordantes do Regulamento notarial.
Visto tamén o que dispón o artigo 26.1 do Estatuto de Autonomía de Galicia aprobado pola Lei orgánica 1/1981, do 6 de abril, os decretos da Xunta de Galicia 13/1994, do 20 de xaneiro, 200/1994, do 23 de xuño, 292/1996, do 26 de xullo, 435/1996, do 20 de decembro, e demais disposicións legais autonómicas pertinentes, esta consellería, para prove-las notarías vacantes situadas no territorio desta Comunidade Autónoma, nomea a:
-María de los Ángeles Otero Seivane, notaria de Tui, 3ª, pasa á notaría de Cangas (Pontevedra).
-José-Manuel Rodríguez Casal, notario de Cedeira, 3ª, pasa á notaría da Guarda (Pontevedra).
-María José Latas Espiño, notaria de Silleda, 3ª, pasa á notaría de Santa Comba (A Coruña).
-Bruno-Américo Otero Afonso, notario de Ponferrada, 2ª, pasa á notaría de Ferrol (A Coruña).
Santiago de Compostela, 17 de xullo de 1997.
Jesús C. Palmou Lorenzo
Conselleiro de Xustiza, Interior e Relacións Laborais
5877