Os artigos 36 e 37 da Lei 9/1991, do 2 de outubro, de medidas básicas para a inserción social, en concordancia co artigo 80 do Decreto 374/1991, do 24 de outubro, polo que se desenvolve a Lei 9/1991, do 2 de outubro, dispoñen a constitución dunha mesa a nivel provincial en cada unha das provincias da Comunidade Autónoma, que actuará como órgano superior de control e seguimento da aplicación da renda de integración social de Galicia e que estará integrada, entre outros membros, por sete representantes das organizacións empresariais máis representativas a nivel autonómico.

As normas de organización e funcionamento interno da mesa autonómica da renda de integración social publicadas no Diario Oficial de Galicia do 23 de outubro de 1992, que rexerán tamén para as mesas provinciais, a teor do disposto no artigo 81.3º do Decreto 374/1991, do 24 de outubro, establecen no seu artigo 7.2º que os nomeamentos e substitucións de tódolos membros da mesa se publicarán no Diario Oficial de Galicia.

Na súa virtude no Diario Oficial de Galicia, do 14 de abril de 1997, faise pública a composición das mesas autonómica e provincial de control e seguimento da renda de integración social de Galicia.

Posteriormente, foi comunicada a esta consellería proposta da Confederación de Empresarios da Coruña, acordando substituír un dos seus actuais vocais titulares.

En consecuencia, en uso das facultades que me confire o artigo 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro,

DISPOÑO:

Artigo único.-Nomear en representación da Confederación de Empresarios da Coruña, a Fernando Varela López vocal titular da mesa provincial da Coruña de control e seguimento da renda de integración social de Galicia, en substitución de Silviano Pizarro Gómez.

Santiago de Compostela, 2 de xullo de 1997.

José María Hernández Cochón

Conselleiro de Sanidade e Servicios Sociais

5682