A Escola Galega de Administración Pública organiza, en colaboración co Colexio de Avogados da Coruña, unhas xornadas sobre a responsabilidade
patrimonial das administracións públicas, conforme as seguintes bases:
1. Obxectivos.
Acadar un mellor coñecemento sobre os principios determinantes da responsabilidade patrimonial dos entes públicos e as consecuencias dimanantes desta situación, como resultado do funcionamento normal ou anormal dos servicios públicos.
2. Contido.
Trataranse estes temas:
-A necesaria revisión do réxime da responsabilidade patrimonial das administracións públicas.
-Responsabilidade do Estado lexislador.
-A responsabilidade civil dos concesionarios e contratistas da Administración por danos causados a terceiros.
-A responsabilidade patrimonial da Administración no ámbito sanitario público.
-A responsabilidade subsidiaria das administracións públicas á luz do novo Código Penal.
3. Destinatarios.
Funcionarios da Administración de xustiza e da Administración estatal, autonómica e local; profesionais do dereito, docentes universitarios, xuristas e interesados en xeral.
4. Lugar e datas.
As xornadas convocadas terán lugar os días 22 e 23 de xullo no salón de actos do Colexio de Avogados da Coruña, Pazo de Xustiza, Praza de Galicia, s/n, na Coruña.
A citada actividade abrirase o martes, día 22 de xullo, e rematará o mércores día 23.
5. Inscrición.
-Prazo: remata o luns, día 21 de xullo de 1997.
-Lugar de presentación: no rexistro xeral da EGAP (polígono das Fontiñas, rúa de Madrid, 2-4, 15707 Santiago de Compostela). Tfno. 54 60 40. Telefax nº 54 63 37.
-Forma: as solicitudes de inscrición faranse por escrito, no modelo oficial que figura ó final destas bases. Serán rexeitadas todas aquelas peticións que non reúnan o dito requisito.
As peticións de admisión poderanse enviar por correo ordinario ou por telefax ó número consignado.
-Inscrición fóra de prazo: só se admitirán, de quedaren prazas baleiras, coa condición de que se cumpran os requisitos xerais antes indicados.
Os peticionarios poderán obter confirmación da súa posible admisión chamando, a partir do día 21
de xullo, por teléfono de 10.30 a 14.45 horas, ó seguinte número: (981) 54 62 39.
6. Certificación de asistencia.
Entregaráselles ó remate destas xornadas a aqueles asistentes que concorresen asiduamente a estas e
expresarase neste documento a natureza da actividade e as datas da súa realización.
Santiago de Compostela, 2 de xullo de 1997.
Domingo Bello Janeiro
Director da Escola Galega de Administración
Pública
97-5194