A) Asistencia técnica.
1. Asistencia técnica para o control e vixilancia das obras do vial desde a Avenida de Castrelos ó Parque Tecnolóxico, parque botánico e Universidade de Vigo.
Clave: CV/PO/96.1.
Orzamento: trinta millóns seiscentas corenta e catro mil oitocentas oitenta pesetas (30.644.880).
Prazo de execución: 25 meses.
Clasificación: grupo I, subgrupo 2, categoría a.
2. Asistencia técnica para o control e vixilancia da obra proxecto de construcción da PO-244. Treito: Arcade-Pontecaldelas.
Clave: N/PO/94.3.
Orzamento: dezanove millóns oitocentas vintedúas mil cincocentas corenta e catro pesetas (19.822.544).
Prazo de execución: 20 meses.
Clasificación: grupo I, subgrupo 2, categoría a.
(Declaradas urxentes consonte o establecido no artigo 72 da Lei 13/1995, de contratos das administracións públicas).
B) Documentos de interese para os licitadores.
Os pregos de cláusulas administrativas particulares, así como o prego de prescricións técnicas estarán de manifesto e á disposición dos concursantes, para o seu exame, durante o prazo de presentación das proposicións, os días e horas hábiles de oficina, na Dirección Xeral de Obras Públicas e Transportes da Consellería de Política Territorial, Obras Públicas e Vivenda, edificios administrativos de San Caetano, Santiago de Compostela.
C) Garantías que se lles esixen ós licitadores.
Esixirase unha garantía definitiva equivalente ó 4% do orzamento de contrata.
A dita garantía poderá ser presentada na modalidade e polas persoas ou entidades que especifica a lexislación española vixente.
D) Modelo de proposición.
Proposición económica formulada estrictamente conforme o modelo que se xunta ó prego de cláusulas administrativas particulares.
E) Prazo e lugar para a presentación de proposicións.
As proposicións deberán presentarse en sobre pechado no rexistro xeral da Consellería de Política Territorial, Obras Públicas e Vivenda, ou envialas por correo dentro do prazo de admisión sinalado conforme o disposto no artigo 100 do Regulamento xeral de contratación do Estado.
O prazo de admisión das proposicións rematará ás doce horas do décimo terceiro día natural, que non coincida en sábado, seguinte ó da publicación deste anuncio no Diario Oficial de Galicia.
F) Apertura das proposicións.
A apertura das proposicións realizarase pola mesa de contratación ás once horas do quinto día natural que non coincida en sábado, contado a partir do último día de presentación de proposicións.
G) Documentos que deben presenta-los licitadores.
Os que figuran no prego de cláusulas administrativas particulares.
O importe do presente anuncio será por conta dos adxudicatarios.
Santiago de Compostela, 30 de xuño de 1997.
P.D. (O. 13-12-1993)
José Antonio Fernández Vázquez
Secretario xeral da Consellería de Política
Territorial, Obras Públicas e Vivenda
5283