Galego | Castellano

DOG - Xunta de Galicia -

Diario Oficial de Galicia
DOG Núm. 121 Mércores, 25 de xuño de 1997 Páx. 6.127

VI. ANUNCIOS

DA ADMINISTRACIÓN AUTONÓMICA

CONSELLERÍA DE PESCA, MARISQUEO E ACUICULTURA

ORDE do 12 de maio de 1997 pola que se aproba o cambio de dominio dunha batea denominada Cambados III.

Visto o expediente de cambio de dominio que a continuación se menciona, instruído para efectos de

transmisión da concesión administrativa pertinente e do establecemento que a ampara; tendo en conta que o interesado obtivo a autorización previa prevista no artigo 59 da Lei 6/1993, do 11 de maio, de pesca de Galicia (DOG nº 101, do 31 de maio) e o artigo 10 do Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG nº 228, do 21-11-1996) e que foi acreditada a transmisión de dereitos e aboados os impostos correspondentes.

Esta consellería, en virtude das atribucións conferidas, á vista do informe favorable do Servicio Xurídico e de Planificación, acordou acceder ó solicitado, proclamando a nova titularidade da concesión e establecemento que se relaciona a continuación:

Nome da batea: Cambados III.

Cultivo: mexillón.

Localización: Bueu A, cuadrícula 66.

Data da concesión: 3-7-1972.

Data do remate da última prórroga: 3-7-2002.

Anterior concesionario: José Otero Estévez e Mª Carmen González Coya.

Novo titular da concesión: Mejilloneras Otero, S.L.

O novo concesionario queda subrogado nos mesmos dereitos e obrigas do anterior concesionario, así como obrigado ó cumprimento das disposicións legais vixentes que lle sexan aplicables e de categoría suficiente.

Vigo, 12 de maio de 1997.

José Manuel Gabeiras Vérez

Delegado territorial de Vigo (Pontevedra)

4598