A Dirección Xerencia do Complexo Hospitalario Arquitecto Marcide-Profesor Novoa Santos, en virtude das atribucións que lle foron delegadas conforme o establecido no artigo 7 da orde da Consellería de Sanidade e Servicios Sociais do 22 de maio de 1996 (DOG nº 111, do 6 de xuño), sobre delegación de competencias en órganos centrais e periféricos do Sergas, convoca o seguinte concurso público para a concesión da explotación da cafetería e comedor do Complexo Hospitalario Arquitecto Marcide-Profesor Novoa Santos.
1. Entidade adxudicadora: Servicio Galego de Saúde, Complexo Hospitalario Arquitecto Marcide-Profesor Novoa Santos.
a) Dependencia que tramita o expediente: Servicio de Subministracións (unidade de contratación).
b) Número de expediente: C.E. 1/97.
2. Obxecto da contratación: contratación administrativa especial para a explotación da cafetería e comedor do Complexo Hospitalario Arquitecto Marcide-Profesor Novoa Santos.
3. Tramitación, procedemento e modalidade de adxudicación:
a) Tramitación: urxente.
b) Procedemento: aberto.
c) Modalidade: concurso público.
4. Condicións económicas: especificadas no prego de cláusulas administrativas particulares e no prego de especificacións técnicas.
5. Garantía provisional, por importe de 2.500.000 ptas.
6. Obtención de documentación e información:
Os pregos de cláusulas administrativas particulares e demais documentación complementaria estarán de manifesto e á disposición dos concursantes para o seu exame no servicio de subministracións do Complexo Hospitalario Arquitecto Marcide-Profesor Novoa Santos, estrada de San Pedro de Leixa, s/n, 15405 Ferrol (A Coruña), tódolos días, agás os sábados, das 9 ás 15 horas.
7. Requisitos específicos do contratista:
A clasificación requirida para o contratista será: grupo III, subgrupo 8, categoría A.
A solvencia económica e financeira acreditarase de acordo co establecido no artigo 16.1 a) e c) da Lei 13/1995, de contratos das administracións públicas e no prego de cláusulas administrativas particulares.
A solvencia técnica deberase xustificar de acordo co establecido no artigo 19 b) da Lei 13/1995, de contratos das administracións públicas e no prego de cláusulas administrativas particulares.
8. Presentación das ofertas ou das solicitudes de participación:
a) Prazo de presentación das proposicións: as proposicións presentaranse antes das 14 horas do décimo terceiro día natural contado a partir do seguinte ó da publicación desta resolución do DOG.
b) Documentación que hai que presentar: a especificada no apartado 8 do prego de cláusulas administrativas particulares.
c) Lugar de presentación: Complexo Hospitalario Arquitecto Marcide-Profesor Novoa Santos, rexistro xeral.
d) Prazo durante o cal o licitador estará obrigado a mante-la súa oferta: 3 meses desde a data de apertura de proposicións.
e) Admisión de variantes: ve-lo prego de cláusulas administrativas particulares.
9. Apertura de proposicións: realizaraa en acto público a mesa de contratación, na sala de xuntas do citado complexo hospitalario, a partir das 10 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura terá lugar o día hábil seguinte.
10. Outras informacións:
Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax ou telegrama no mesmo día, de conformidade co artigo 100 do Regulamento xeral de contratación do Estado. Sen a concorrencia de ámbolos dous requisitos, non será admitida a proposición se é recibida polo órgano de contratación con posterioridade á data de terminación do prazo sinalado neste anuncio. Transcorridos, con todo, dez días naturais seguintes á indicada data sen ter recibido a mencionada proposición, esta non será admitida en ningún caso.
Os criterios que se seguirán para a adxudicación do contrato son os que se establecen no apartado 10 de prego de cláusulas administrativas particulares.
11. Gastos de anuncios: o importe do anuncio da presente resolución na prensa e nos boletíns oficiais será por conta do adxudicatario ou adxudicatarios.
Ferrol, 12 de xuño de 1997.
Pedro Molina Coll
Director-xerente do Complexo Hospitalario
Arquitecto Marcide-Profesor Novoa Santos de Ferrol
4868