O artigo 2.4º, do Decreto 327/1991, do 4 de outubro, de avaliación de efectos ambientais para Galicia (DOG nº 199, do 15 de outubro), dispón que o órgano ambiental someterá o estudio de efectos ambientais ó trámite de información pública, durante quince
días hábiles, mediante anuncio no Diario Oficial de Galicia.
Na súa virtude,
RESOLVO:
Primeiro.-Someter á información pública, no prazo de quince días hábiles contados a partir da publicación da presente resolución, o estudio de efectos ambientais do proxecto de aproveitamento hidroeléctrico no río Barra, sito no concello de Coles (Ourense), e promovido por Enerxía dos Recursos Enerxéticos, S.L.
Segundo.-Para os ditos efectos informativos, poranse á disposición dos administrados exemplares nas seguintes dependencias:
-Secretaría Xeral da Comisión Galega do Medio Ambiente.
-Delegación Provincial da Consellería da Presidencia e Administración Pública (Comisión Provincial de Medio Ambiente) de Ourense.
-Concello de Coles.
Terceiro.-As alegacións formularanse durante o dito prazo de quince días.
Cuarto.-Unha vez finalizado o mencionado prazo, remitirase expediente coas correspondentes alegacións á Secretaría Xeral da Comisión Galega do Medio Ambiente.
Santiago de Compostela, 19 de maio de 1997.
José Luis Aboal García-Tuñón
Secretario Xeral da Comisión Galega do Medio Ambiente
3991