A Escola Galega de Administración Pública organiza unhas xornadas de estudio sobre o exercicio de interdictos contra actuacións das administracións públicas, conforme ás seguintes bases:

1. Obxectivos.

Reflexionar e debater sobre as cuestións relacionadas co exercicio das accións interdictais contra actuacións da administración e os efectos que derivan desta situación.

2. Contido.

Trataranse, ademais doutros, estes temas:

-O fenómeno posesorio na Lei civil.

-A defensa da posesión.

-A vía de feito e o exercicio de interdictos posesorios.

-O interdicto da obra ruinosa e a declaración de ruína.

-O interdicto de obra nova.

-O interdicto de reter e recobrar e a Administración.

-Posesión e precario.

-A problemática da posesión mobiliaria.

3. Destinatarios.

Funcionarios da Administración de xustiza e da Administración estatal, autonómica e local; profesionais do dereito, docentes universitarios, xuristas e interesados en xeral.

4. Lugar e datas.

As xornadas convocadas terán lugar os días 10, 11, 12 e 13 de xuño no salón de actos do edificio de xulgados de Vigo, r/ Lalín, nº 4, Vigo.

A dita actividade, que se desenvolverá polas tardes, abrirase o martes, día 10 de xuño, e rematará o venres día 13 de xuño.

5. Inscrición.

-Prazo: remata o venres, día 6 de xuño de 1997.

-Lugar de presentación: no rexistro xeral da EGAP (polígono das Fontiñas, rúa de Madrid, 2-4, 15707 Santiago de Compostela). Tfno. 54 60 40. Telefax 54 63 37.

-Forma: as solicitudes de inscrición faranse por escrito, no modelo oficial que figura ó final destas bases. Serán rexeitadas todas aquelas peticións que non reúnan o dito requisito.

As peticións de admisión poderanse enviar por correo ordinario ou por telefax ó número consignado.

-Inscrición fóra de prazo: só se admitirán, de quedaren prazas baleiras, coa condición de que se cumpran os requisitos xerais antes indicados.

Os peticionarios poderán obter confirmación da súa posible admisión, chamando, a partir do día 6 de xuño, por teléfono, de 10.30 a 14.45 horas, ó seguinte número: (981) 54 62 39.

6. Certificación de asistencia.

Entregaráselles ó remate destas xornadas a aqueles asistentes que concorresen asiduamente a elas, e expresarase neste documento a natureza da actividade e as datas da súa realización.

Santiago de Compostela, 28 de maio de 1997.

Domingo Bello Janeiro

Director da Escola Galega de Administración Pública

97-4180