De conformidade coa proposta elevada pola comisión designada para xulga-lo concurso convocado por resolución desta universidade, do 19 de abril de 1996 (BOE do 22 de maio), para a provisión da praza número 96/020 de profesor titular de universidade da área de coñecemento de ciencias da computación e intelixencia artificial, do departamento de Computación desta universidade, a favor de Manuel Vilares Ferro, e unha vez acreditados polo interesado os requisitos ós que alude o apartado 2º do artigo 5 do Real decreto 1888/1984, do 26 de setembro.
Visto o acordo da comisión de reclamacións, con data 17 de abril de 1997, polo que se ratifica a dita proposta.
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Manuel Vilares Ferro, profesor titular de universidade da área de coñecemento de ciencias da computación e intelixencia artificial, do departamento de Computación desta universidade.
A Coruña, 7 de abril de 1997.
José Luis Meilán Gil
Rector da Universidade da Coruña
3694