A Dirección Xerencia do Hospital Montecelo, en virtude das atribucións que lle foron delegadas por Orde do 22 de maio de 1996 (DOG do 6 de xuño de 1996), sobre delegación de competencias nos órganos centrais e periféricos do Servicio Galego de Saúde, e da autorización do director xeral de Recursos Económicos, con data do 2 de abril de 1997, convoca o seguinte concurso público nº 31/1997, para a subministración sucesiva de próteses de traumatoloxía, cardioloxía e oftalmoloxía.

1. Nome e enderezo do servicio: Servicio Galego de Saúde. Dirección Xerencia do Hospital Montecelo. Mourente, s/n. 36071. Pontevedra. Teléfono nº (986) 80 00 17, fax nº (986) 80 00 01.

2. a) Modalidade da adxudicación: procedemento aberto.

b) Forma da adxudicación: concurso público.

3. a) Lugar de entrega da subministración: as entregas das próteses faranse no almacén do Hospital Montecelo, en Pontevedra.

b) Natureza e cantidade dos productos que se deban subministrar:

Próteses de traumatoloxía. Orzamento máximo 57.464.000 ptas.

Próteses de cardioloxía. Orzamento máximo 21.398.150 ptas.

Próteses de oftalmoloxía. Orzamento máximo 4.197.800 ptas.

Orzamento total: oitenta e tres millóns cincuenta e nove mil, novecentas cincuenta pesetas (83.059.950 ptas.). Imposto valor engadido, incluído.

c) Indicacións relativas á posibilidade de que os subministradores liciten por partes e/ou polo conxunto das subministracións requiridas: o concurso repártese en lotes que poden ser obxecto de licitación e adxudicación separadamente.

4. Prazo de entrega eventualmente imposto: segundo a demanda do servicio de compras e subministracións, que llo comunicará ó adxudicatario no seu momento.

5. a) Nome e enderezo do servicio ó que se poden solicita-los documentos pertinentes: o prego de cláusulas administrativas particulares, e demais documentación complementaria poderá ser solicitada no departamento de concursos, nos días laborables desde as 9 ata as 14 horas, no Hospital Montecelo, Mourente, s/n. 36071 Pontevedra, por teléfono ó número (986) 80 00 17 , ou por fax ó numero (986) 80 00 01.

b) Data límite para efectúa-la solicitude: 9-6-1997.

6. a) Data límite de recepción das ofertas: 16-6-1997.

b) Enderezo ó que deben dirixirse: ve-lo punto nº 1.

c) Lingua ou linguas nas que deban redactarse: castelán ou galego.

7. a) Persoas admitidas para asistiren á apertura das ofertas: apertura en acto público.

b) Data, hora e lugar da dita apertura: ás 9 horas na sala de xuntas da Dirección Provincial do Sergas, rúa A Coruña, 24. 36211 Vigo. 27-6-1997.

8. Fianzas e garantías esixidas.

Provisional: o dous por cento do orzamento de licitación de cada lote ó que licite.

Definitiva: os licitadores adxudicatarios deberán presentar unha fianza do catro por cento do orzamento de licitación de cada lote ó que licite.

9. Modalidades esenciais de pagamento e/ou referencias ós textos que as regulan: pagamentos en conta mediante transferencia bancaria, unha vez recibida a subministración e conforme o disposto no artigo 100 da Lei 13/1995, do 18 de maio, de contratos das administracións públicas.

10. Forma xurídica que deberá adopta-la agrupación de provedores: ver prego de cláusulas.

11. Informacións e formalidades necesarias para a avaliación das condicións mínimas de carácter económico e técnico que deberá reuni-lo provedor: os indicados no prego de cláusulas administrativas particulares.

12. Prazo durante o cal o licitador estará obrigado a mante-la súa oferta: tres meses desde a data de apertura das proposicións.

13. Criterios que se seguirán para adxudica-lo contrato: para a proposta valoraranse no seu conxunto as ofertas presentadas, téndose en conta os criterios estipulados no prego de cláusulas.

14. Outras informacións: no enderezo e servicio indicado no punto 1.

15. Data do envío do anuncio á Oficina das Publicacións Oficiais das Comunidades Europeas: 24-4-1997.

16. Anuncios: o importe dos anuncios da presente resolución na prensa e nos boletíns oficiais serán por conta dos adxudicatarios dos contratos.

Pontevedra, 24 de marzo de 1997.

Rafael Pérez-Santamarina Feijóo

Director xerente do Hospital Montecelo

de Pontevedra

3452