A Escola Galega de Administración Pública organiza, en colaboración coa Facultade de Ciencias da Información de Santiago de Compostela, unhas xor

nadas sobre a Administración e os medios de comunicación social, conforme as seguintes bases:

1. Obxectivos.

Estudiar, desde unha perspectiva variada, as distintas vertentes e influencias que no horizonte actual e no futuro ofrecen e ofrecerán os medios de comunicación social.

2. Contido.

Trataranse, entre outros, estes temas:

-A universidade, a comunicación e a sociedade global.

-Redes, grupos multimedia e dinámica informativa no final do milenio.

-Políticas de comunicación: estado da cuestión.

-Unha nova Administración para a sociedade da información.

-A armazón de protección de datos-busca de información en Europa.

-Información e administración. Dereitos e deberes do xornalista, dos funcionarios e dos cidadáns no actual marco.

-Tendencias en comunicación. As fronteiras entre realidade e ficción.

-A comunicación institucional: novos horizontes.

3. Destinatarios.

Persoal o servicio de calquera das administracións públicas galegas e persoas interesadas en xeral.

4. Lugar e datas.

As xornadas convocadas terán lugar no salón de actos da Escola Galega de Administración Pública, polígono das Fontiñas, rúa de Madrid, 2-4, Santiago de Compostela.

A repetida actividade abrirase o luns, día 19 de maio, ás 8.30 horas, e rematará, ás 14 horas do martes 20 de maio.

5. Inscrición.

-Prazo: remata o venres, día 16 de maio de 1997.

-Lugar de presentación: no rexistro xeral da EGAP (Polígono das Fontiñas, rúa de Madrid, 2-4, 15707, Santiago de Compostela). Teléfono 54 60 40. Telefax 54 63 37.

-Forma: as solicitudes de inscrición faranse por escrito, no modelo oficial que figura ó final destas bases. Serán rexeitadas todas aquelas peticións que non reúnan o dito requisito. As peticións de admisión poderanse enviar por correo ordinario ou por telefax ó número consignado.

-Inscrición fóra de prazo: só se admitirán, de quedaren prazas baleiras, coa condición de que se cumpran os requisitos xerais antes indicados.

Os peticionarios poderán obter confirmación da súa posible admisión, chamando, a partir do día 14

de maio, por teléfono de 10.30 a 14.45 horas, ó seguinte número: (981) 54 62 39.

6. Certificación de asistencia.

Entregaráselles ó remate destas xornadas a aqueles asistentes que concorresen asiduamente a elas e

expresarase neste documento a natureza da actividade e as datas da súa realización.

Santiago de Compostela, 28 de abril de 1997.

Domingo Bello Janeiro

Director da Escola Galega de Administración Pública

2659