De conformidade co disposto no art. 79 da LCAP anúnciase o concurso, por procedemento aberto, para a adxudicación mediante concesión da xestión indirecta do servicio de inmobilización, retirada e traslado de vehículos da vía pública, conforme o seguinte contido:
Obxecto do contrato.-É obxecto do contrato a adxudicación mediante concesión da xestión indirecta do servicio de inmobilización, retirada e traslado de vehículos da vía pública de Ourense.
Duración do contrato.-A concesión administrativa que se outorgue a quen resulte adxudicatario desta licitación terá unha vixencia de oito anos contados a partir da data en que se formalice o correspondente contrato en documento público, administrativo ou notarial. O dito prazo computarase de data a data e poderá ser prorrogado tacitamente por anualidades ata o máximo estipulado pola lei, agás denuncia con antelación de tres meses de calquera das partes.
Tipo de licitación: 61.000.000 de ptas.
Garantía provisional: 3.050.000 ptas.
Presentación de proposicións.-No rexistro xeral de 9 a 13 horas, no prazo de 26 días naturais, contados a partir do seguinte a aquel no que apareza inserido o anuncio no BOP e no DOG.
Apertura de proposicións.-Terá lugar o día hábil seguinte ó que remate o de presentación de proposicións, ás 12 horas, no salón de sesións do concello.
Modelo de proposición.-Recollido no prego de condicións económico-administrativas.
Expediente.-Exposto ó público no Departamento de Tráfico (prazo de San Martín, nº 1).
Ourense, 25 de marzo de 1997.
Manuel Jaime Cabezas Enríquez
Alcalde-presidente
3215