O Consello da Xerencia Municipal de Urbanismo, en sesión do 21 de febreiro de 1997, acordou aprobar inicialmente o estudio de detalle da U.E. IV-03 Bailén presentado pola comunidade de bens Rodríguez Valcárcel e redactado pola arquitecta Isabel Valdés Figueroa con visado do COAG, con data 10 de xaneiro de 1997, polo que se somete ó trámite de información pública polo prazo de quince días, mediante inserción de anuncios no DOG, BOP, nun xornal dos de maior circulación da provincia e no taboleiro de anuncios da Casa do Concello, con notificación persoal ós propietarios e demais interesados directamente afectados, de conformidade co establecido no artigo 117 do TRLS e 140 do RPU.
Signifícase que o prazo de exposición ó público se entenderá aberto desde a primeira publicación ata o remate dos quince días contados desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público, planta baixa da Casa do Concello.
Vigo, 6 de marzo de 1997.
Manuel Pérez Álvarez
Presidente da Xerencia Municipal de Urbanismo
2641