De conformidade coa proposta elevada pola comisión designada para xulga-lo concurso convocado por resolución da Universidade de Santiago de Compostela do 8 de maio de 1996 (BOE do 7 de xuño), para a provisión da praza de profesor titular de universidade da área de coñecemento de xeografía física, do departamento de Xeografía desta universidade, a favor de Luis Alberto Guitián Rivera, e cumprindo o interesado os requisitos ós que alude o artigo 5.2º do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Luis Alberto Guitián Rivera, profesor titular de universidade da área de coñecemento de xeografía física, do departamento de Xeografía desta universidade.

Santiago de Compostela, 8 de abril de 1997.

F. Darío Villanueva Prieto

Rector da Universidade de Santiago de Compostela

2917