A Dirección Provincial do Servicio Galego de Saúde da Coruña, en virtude das atribucións que lle foron delegadas, conforme o establecido na Orde do 22-5-1996 do conselleiro de Sanidade e Servicios Sociais, sobre delegación de competencias en órganos centrais e periféricos do Sergas, convoca o seguinte concurso público polo procedemento aberto para a subministración sucesiva de guantes.

Subministración: adquisición de guantes.

Orzamento: 33.761.400 ptas., IVE incluído.

Fianza provisional: 2% do orzamento de licitación.

I. Forma de adxudicación: concurso público, procedemento aberto.

II. Prazo de execución: os bens obxecto do presente concurso público entregaranse no prazo establecido no prego de cláusulas administrativas particulares e na folla de especificacións.

III. Admisión de variantes: non se admiten.

IV. Solvencia económica e financeira: acreditarase de acordo co establecido no artigo 16 da Lei 13/1995, de C.A.P. e no prego de cláusulas administrativas particulares.

V. Solvencia técnica: acreditarase de acordo co establecido no artigo 18 da Lei 13/1995, de C.A.P. e no prego de cláusulas administrativas particulares.

VI. Criterios de adxudicación: ver prego de cláusulas administrativas particulares e folla de especificacións.

VII. Documentos de interese para os licitadores: o prego de cláusulas administrativas particulares e demais documentación complementaria estarán de manifesto e á disposición dos concursantes para o seu exame, na Dirección Provincial do Sergas da Coruña r/ Durán Loriga, nº 3, 4º andar, tódolos días laborables, excepto os sábados, desde as 9 h ata as 14 h.

VIII. Presentación de proposicións: as proposicións presentaranse en man, en sobres pechados e asinados polo licitador ou persoa que o represente, no Rexistro Xeral da Dirección Provincial do Sergas da Coruña, antes das 14 h do vixésimo sexto día natural, contado a partir do seguinte ó da publicación desta resolución no DOG, ou enviadas por correo dentro do prazo sinalado.

Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (981-18 56 78) ou telegrama no mesmo día, de conformidade co establecido no punto 10 do prego de cláusulas administrativas particulares.

IX. Apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas da Dirección Provincial do Sergas da Coruña, r/ Durán Loriga, nº 3, a partir das 10 h do décimo primeiro día natural, contado a partir do seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.

X. Documentación que deberán achega-los licitadores: os documentos que figuran no prego de cláusulas administrativas particulares.

XI. Anuncios: o pagamento do anuncio do presente concurso público será por conta do adxudicatario ou adxudicatarios do contrato ou contratos.

A Coruña, 14 de abril de 1997.

Antonio V. Martínez Calvo

Director provincial da Coruña

3096