A Comisión Municipal de Goberno, en sesión do 24 de marzo de 1997, acordou aproba-lo orzamento reformado polas obras de acondicionamento e mellora da praza de abastos de Vilagarcía de Arousa (2ª fase), anulando o trámite de contratación conforme os anuncios publicados no Diario Oficial de Galicia do 7 de marzo de 1997 e BOP do 13 de marzo de 1997 e convocar nova poxa.
1. Obxecto do contrato: as obras de acondicionamento e mellora da praza de abastos de Vilagarcía de Arousa (2ª fase).
2. Prazo do contrato: catro meses.
3. Prezo do contrato: 21.000.000 de pesetas.
4. Garantías provisional e definitiva: a garantía provisional, para participar na poxa será de 420.000 pesetas.
O adxudicatario virá obrigado a prestar unha garantía definitiva do 4% do importe da adxudicación.
5. Proposicións: as proposicións presentaranse no rexistro de licitacións (secretaría xeral) en man, das 9.30 ás 13.30 horas durante os vinteseis días naturais seguintes á publicación do último dos anuncios nos BOP ou DOG.
Tamén poderán presentarse na forma prevista no parágrafo 2º da cláusula XI.1.
As proposicións axustaranse ó modelo oficial que figura no prego de cláusulas administrativas e cumprirán as formalidades e documentación previstas na cláusula XI do prego.
Vilagarcía de Arousa, 25 de marzo de 1997.
Joaquín J. Gago López
Alcalde