Esta alcaldía, mediante resolución do día da data, en uso das facultades concedidas no apartado m) do artigo 21.1º da Lei 7/1985, do 2 de abril, reguladora das bases do réxime local, acordou aprobar inicialmente a modificación puntual da ordenanza 12ª do plan parcial do polígono industrial das Gándaras, á que se lle dá nova redacción, regulando en tres apartados os usos industriais; compatibles co industrial; e os usos prohibidos.
A indicada resolución, co seu expediente, sométese a información pública quedando de manifesto na secretaría deste concello, tódolos días laborais de 9 a 14 horas, durante o prazo dun mes, contados a partir da publicación do derradeiro anuncio que se publique no Diario Oficial de Galicia e nun dos diarios de maior circulación da provincia.
Todo isto para os efectos do seu exame e, se é o caso, presentación de alegacións ou reclamacións contra a indicada resolución.
O Porriño, 10 de febreiro de 1997.
José Manuel Barros González
Alcalde