O artigo 5.2º do Decreto 442/1990, de avaliación do impacto ambiental para Galicia (DOG número 188, do 25-9), dispón que os estudios de impacto ambiental se someterán ó trámite de información pública, durante trinta días hábiles, mediante anuncio no Diario Oficial de Galicia. Na súa virtude,
RESOLVO:
Someter a información pública, por un prazo de trinta días hábiles, contados a partir do día seguinte ó da publicación da presente resolución, o estudio de impacto ambiental e plan de restauración da explotación de 10 cuadrículas mineiras denominada Frades fracción 4ª-1, nº 6705, ubicada en terreos do termo municipal de Mesía, provincia da Coruña, e solicitado por Epifanio Campo Fernández.
Para os efectos informativos porase á disposición dos administrados que o soliciten un exemplar del para consulta nas oficinas desta dirección xeral e as alegacións formularanse durante o prazo sinalado nas mesmas oficinas.
Santiago de Compostela, 29 de xaneiro de 1997.
Joaquín del Moral Crespo
Director xeral de Industria
1476