DOG 46 do 07/03/1997 - RESOLUCIÓN do 3 de marzo de 1997, da Secretaría Xeral para a Protección Civil e o Medio Ambiente, pola que se anuncia a licitación, polo sistema de concurso público, procedemento aberto, para a contratación do servicio de dous helicópteros destinados a realizar misións de protección civil, prestar axuda médica urxente, salvamento, rescate, vixilancia e transporte sanitario.

VI. ANUNCIOS

DA ADMINISTRACIÓN AUTONÓMICA

CONSELLERÍA DA PRESIDENCIA E ADMINISTRACIÓN PÚBLICA

RESOLUCIÓN do 3 de marzo de 1997, da Secretaría Xeral para a Protección Civil e o Medio Ambiente, pola que se anuncia a licitación, polo sistema de concurso público, procedemento aberto, para a contratación do servicio de dous helicópteros destinados a realizar misións de protección civil, prestar axuda médica urxente, salvamento, rescate, vixilancia e transporte sanitario.

Orzamento máximo: 229.261.500 pesetas, IVE excluído, por aplicación do artigo 22.4º da Lei 37/1992, do 28 de decembro.

Prazo de execución: do 1-6-1997 ata o 31-5-1998: doce meses.

Fianza provisional: 4.585.230 pesetas.

Fianza definitiva: 9.170.460 pesetas.

Forma de tramitación: ordinaria.

Prazo de presentación de proposicións: deberán presentarse no rexistro xeral da Consellería da Presidencia e Administración Pública, ou nas direccións provinciais correspondentes, antes das 14 horas do vixésimo sexto día natural a partir do seguinte ó da publicación deste concurso no Diario Oficial de Galicia, ou por correo na forma indicada no artigo cen do Regulamento xeral de contratos do Estado.

Documentación que deben presenta-los licitadores:

No sobre da documentación xeral, a establecida na cláusula 8.3 do prego de cláusulas administrativas.

No sobre de proposición económica, a establecida na cláusula 8.4 do prego de cláusulas administrativas.

No sobre das referencias técnicas, a establecida na cláusula 8.5 do prego de cláusulas administrativas.

Clasificación esixida: grupo III, subgrupo 9, categoría D.

Apertura de proposicións: será realizada pola mesa de contratación nunha das salas de xuntas da Consellería da Presidencia e Administración Pública, edificio administrativo San Caetano, Santiago de Compostela, ás 12.30 horas do décimo primeiro día natural, que non coincida en sábado ou festivo, a

partir do seguinte ó de peche do prazo de presentación de proposicións.

Documentos de interese para os licitadores: o prego de cláusulas administrativas particulares e o de proposicións técnicas estarán á disposición dos licitadores, para o seu exame, durante o prazo de presentación de proposicións, nos días e horas hábiles, de oficina, nas dependencias da Secretaría Xeral para a Protección Civil e o Medio Ambiente, rúa Algalia de Arriba, nº 31, Santiago de Compostela.

Anuncios: os anuncios do presente concurso público serán por conta do adxudicatario do contrato.

Santiago de Compostela, 3 de marzo de 1997.

José Luis Aboal García-Tuñón

Secretario xeral para a Protección Civil

e o Medio Ambiente

1424