Visto o expediente para outorgamento de autorización administrativa, declaración de utilidade pública e aprobación do proxecto de execución da instalación eléctrica que se cita:

Solicitante: Unión Eléctrica-Fenosa, S.A.

Enderezo social: Avda. García Barbón, 38, 36201 Vigo.

Denominación: L.M.T. Cabral-Igrexa.

Situación: Vigo.

Descricións técnicas: L.M.T., aérea núa, a 20/15 kV, de 357 m de lonxitude, con conductor tipo LA-56 sobre apoios de formigón, desde o apoio D-17 da L.M.T. Troncal-Trasiego rematando no C.T. existente denominado Cabral-Igrexa, concello de Vigo.

Cumprido-los trámites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial, resolve:

Autorizar, declarar de utilidade pública e aproba-lo proxecto de execución das devanditas instalacións, nas que as características axustaranse en tódalas súas partes ás que figuran no mesmo e as condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.

Pontevedra, 22 de xaneiro de 1997.

Ramón Álvarez Abad

Delegado provincial de Pontevedra

1244