A Dirección Xerencia do Complexo Hospitalario Cristal-Piñor de Ourense, en virtude das atribucións que lle foron delegadas conforme o establecido no artigo 7 da Orde do 22 de maio de 1996 (DOG de 6 de xuño), da Consellería de Sanidade e Servicios Sociais, convoca o seguinte concurso público:

Contratación do servicio de realización de probas analíticas por laboratorios externos.

Orzamento: 23.440.210 ptas. (IVE incluído), en cómputo anual.

Forma de adxudicación: procedemento aberto mediante concurso público nº C.P. 3/1997, tramitado con carácter urxente.

Prazo de execución: desde a data da sinatura do contrato ata o 31 de decembro de 1997, con posibilidade de prórroga por anos naturales.

Admisión de variantes: admítense variantes sempre que se cumpra o estipulado nas prescricións técnicas.

Solvencia económica e financeira: deberá acreditarse polos medios previstos nos apartados: a), b) e c) do artigo 16.1º da Lei 13/1995, do 18 de maio, de contratos das administracións públicas (BOE nº 119, do 19-5-1995).

Solvencia técnica: deberá acreditarse polos medios previstos nos apartados a), c), e) e f) do artigo 19 da Lei 13/1995 citada.

Clasificación económica: grupo III, subgrupo I, categoría A.

Fianza provisional: 2% do orzamento de licitación (468.804 ptas.).

Fianza definitiva: 4% do orzamento de licitación.

Criterios de adxudicación:

1. Control de calidade: ata 4 puntos.

2. Prezo: ata 5 puntos.

3. Prazo entrega e recollida: ata 1 puntos.

4. Integración informática: ata 1 punto.

5. Localización do laboratorio na Comunidade Autónoma: ata 1 punto.

Documentación de interese para os licitadores: os pregos de cláusulas administrativas particulares e prescricións técnicas e demais documentación complementaria poden ser solicitados no Servicio de compras do Complexo Hospitalario Cristal-Piñor, rúa Ramón Puga nº 52 (edificio de Administración, planta baixa), de Ourense, en días laborables, das 9 ás 13 horas agás sábados.

Presentación de proposicións: presentaranse en man, en sobres pechados e asinados polos licitador ou persoa que o representen, no rexistro xeral deste complexo hospitalario, antes das 13 horas do décimo terceiro día natural contado desde o seguinte ó da publicación desta resolución no DOG, ou enviadas por correo dentro do prazo sinalado. No caso de que o dito día coincida en sábado ou festivo o remate do prazo de presentación das proposicións terá lugar no día hábil seguinte.

Cando as proposicións se envíen por correo, o licitador deberá xutifica-la data de imposición do envío na oficia de correos e anunciarlle ó órgano de contratación a remisión da oferta mediante fax (988) 38 58 49 ou telegrama no mesmo día, de conformidade coa lexislación vixente.

Apertura de proposicións: terá lugar en acto publico na sala de xuntas anexa á Dirección de Xestión do complexo hospitalario, ás 9 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo a apertura das proposicións terá lugar no día hábil seguinte.

Documentación que achegarán os licitadores: os documentos sinalados no prego de cláusulas administrativas particulares.

Anuncios: o pagamento dos anuncios do presente concurso público será por conta do adxudicatario do contrato.

Ourense, 17 de febreiro de 1997.

Pedro A. Soler Bordoy

Director xerente do Complexo Hospitalario

Cristal-Piñor de Ourense

97-1393